Mathiơ 12:22 - Sơ̆p Hlabơar Nơ̆r 'Bok Kei-Dei

²² Kơplah noh đe năm ba tơ Yêsu minh 'nu bơngai măt tol păng sư kư̆m kơmlo yua kơ yang kơnê̆ pơm kơ sư. Na Yêsu pơpuh yang kơnê̆ lĕch đơ̆ng akâu bơngai noh na bơngai noh gơh 'bôh hơdah păng gơh pơma.

Mathiơ 12:22 Iomraidhean Croise

Horiso 51:15

Ơ Kră Yang! Apinh Ih pơih 'bơ̆r inh. Na 'bơ̆r inh gô hơri bơnê kơ Ih.

Êsai 29:18

Lăm năr noh lu bơngai klĭk gô kơtơ̆ng dôm nơ̆r đơ̆ng lăm sơ̆p hla bơar; măt lu bơngai tol đơ̆ng lăm măng mu gô lăng 'bôh.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Markôs 3:11

Tơ ei kư̆m đei lu bơngai yang mơ̆t sư 'bôh Yêsu, sư 'nap truh tơ teh 'bơ̆t anăp Yêsu păng pơma re 'bơ̆r khan: “Ih boih Kon 'Bok Kei-Dei tơpă.”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

II Tes 2:9

Bơngai kơnê̆ ei truh, sư yua tơdrong mơsêh đơ̆ng yang Satan ăn kơ sư wă kơ sư pơm kơ đe tơdrong chrơp. Sư pơm tơdrong chrơp 'noh chă hơlĕnh kơ kon bơngai đĕch.