Mathiơ 12:2 - Sơ̆p Hlabơar Nơ̆r 'Bok Kei-Dei

² Lu bơngai Pharisi 'bôh thoi noh na khan kơ Yêsu: “Ih lăng, lu bơngai pơhrăm păng Ih pơm ưh kơ trŏ lăm năr pơdơh, năr pơdơh khan jang.”

Mathiơ 12:2 Iomraidhean Croise

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Le 35:2

Iĕm athei bơ̆jang lăm tơdrâu năr, mă-lei truh năr mă tơpơh năr noh năr Sa'bat 'lơ̆ng rơgoh 'măn pơdơh kơ Kră Yang. Bơngai bu jang minh tơdrong kiơ̆ lăm năr noh, đe gô pơlôch sư.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Mathiơ 12:10

Lăm hnam akŭm noh đei minh 'nu bơngai ti kue minh pah, na lu sư răp lăng Yêsu hăm ming pơklaih ti sư dah ưh, yua kơ năr noh năr pơdơh Sa'bat. Dah Sư pơklaih lei lu sư wă jô̆ Sư bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh. Na lu sư jet Yêsu khan: “Kiơ̆ tơdrong juăt bơ̆n hăm gơh ming pơklaih đe jĭ jăn lăm năr pơdơh Sa'bat dah ưh?”

Mathiơ 12:3

Yêsu khan kơ lu bơngai Pharisi: “Iĕm tam biơh đŏk lăng lăm hla bơar tơdrong pơtao Đawit ôh hă? Sơ̆ sư kư̆m pơm ưh kơ trŏ kơ tơdrong juăt mơ̆n, sư păng bôl sư pơngot ưh kơ đei tơmam sa.

Markôs 2:24

Na lu bơngai Pharisi khan kơ Yêsu: “Ih lăng. Kơlih kơ kiơ lu sư pơm ưh kơ trŏ lăm năr pơdơh, năr pơdơh khan jang?”

Luka 14:3

Na Yêsu jet hloi lu thây bơtho tơdrong juăt đe Juđê păng lu bơngai Pharisi thoi âu: “Kiơ̆ kơ tơdrong juăt bơ̆n, bơ̆n hăm gơh pơklaih đe jĭ jăn lăm năr pơdơh Sa'bat ưh?”

Luka 23:56

Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Luka 6:2

Lu bơngai Pharisi 'bôh thoi noh na khan: “Kơlih kơ kiơ iĕm pơm ưh kơ trŏ lăm năr pơdơh lĕ khan jang?”