Mathiơ 12:15 - Sơ̆p Hlabơar Nơ̆r 'Bok Kei-Dei

¹⁵ Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Mathiơ 12:15 Iomraidhean Croise

Mathiơ 10:23

Dah đe pơm kơnê̆ kơ iĕm tơ pơlei âu, iĕm kơdâu bơtho pơlei nai dơ̆ng. Inh khan kơ iĕm tơpă, kơplah iĕm oei chă bơtho đe tam mă jơ̆p kơ dêh Isơrael, Inh Kon Bơngai jur boih.

Mathiơ 19:2

Tơ noh đei lơ bơngai kiơ̆ Sư, na Sư chă pơklaih lu bơngai jĭ jăn.

Markôs 6:56

Yêsu năm tơ yơ yơ, mă pơlei tih iĕ, na đe tơ'bĭch lê̆ lu bơngai jĭ jăn tơ kơchơ. Na đe apinh Sư asong pel tơdrơi ao Sư đĕch. Bu pel 'bơm tơdrơi ao Sư, klaih hloi kơ jĭ.

Luka 5:22

Yêsu băt hloi kơ lu sư pơma mơmơnh lăm to, jô̆ kơ Sư tơdrong noh na Yêsu khan thoi âu: “Yua kơ kiơ iĕm pơma mơmơnh lăm to iĕm thoi noh lĕ?

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Luka 9:11

Lăp lu kon pơlei pơla kơtơ̆ng Yêsu wă năm tơ pơlei ei lu sư kiơ̆ hloi Yêsu. Na Yêsu kư̆m ưh kơ khă lu sư ôh. Sư bơtho lu đe ei tơdrong 'Bok Kei-Dei wă pơgơ̆r kon bơngai. Na Yêsu kư̆m chă pơklaih rah dôm lu bơngai jĭ jăn mơ̆n.

Yo 11:54

Kơlih kơ thoi noh na Yêsu ưh pă wă năm trong 'ngoaih tơ'bôh akâu Sư tơ lăm dêh Juđê dơ̆ng boih. Sư năm đơ̆ng Pơlei Jêrusalem truh tơ jih glă. Tơ ei Sư oei tơ Pơlei Êpraim hơdai hăm lu bơngai pơhrăm păng Sư.

Yo 7:1

Đơ̆ng rŏng kơ noh Yêsu oei năm chă bơtho tơ dêh Galilê. Sư ưh pă năm bơtho tơ dêh Juđê boih kơlih kơ lu bơngai Juđê wă pơlôch Sư.

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.