Mathiơ 12:12 - Sơ̆p Hlabơar Nơ̆r 'Bok Kei-Dei

¹² Minh kơ̆l bơngai kăl hloh kơ minh pôm triu; thoi noh na tơdrong juăt bơ̆n mă lăm năr pơdơh Sa'bat gơh tơgŭm pơklaih bơngai jĭ jăn.”

Mathiơ 12:12 Iomraidhean Croise

Mathiơ 10:31

Thoi noh na iĕm 'nĕ kơ hli, 'Bok Kei-Dei 'mêm kơ iĕm hloh kơ Sư 'mêm kơ sem rĕch.

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Markôs 3:4

Yêsu khan kơ lu bơngai ei thoi âu: “Lăm năr pơdơh Sa'bat, kiơ̆ kơ tơdrong juăt bơ̆n athei pơm tơdrong 'lơ̆ng dah tơdrong kơnê̆, tơgŭm mơnat kon bơngai dah pơlôch bơngai?” Mă-lei lu đe ei thĕng, ưh kơ đei bu pơma tơwih kơ Sư.

Luka 12:24

Iĕm lăng sem ak, sư ưh kơ đei pơtăm 'ba, ưh kơ đei kĕch 'măn lê̆ tơ pơk ôh, mă-lei 'Bok Kei-Dei kư̆m oei hiĕm 'me sư mơ̆n. Pơma kiơ kơ iĕm, 'Bok Kei-Dei 'mêm kơ iĕm hloh kơ lu sem păr tơpă.

Luka 14:1

Năr pơdơh Sa'bat ei Yêsu năm sŏng sa tơ hnam minh 'nu bơngai pơm kră kơ lu bơngai khŭl Pharisi. Na đe lăng Yêsu hnhong.

Luka 6:9

Na Yêsu khan kơ lu đe ei thoi âu: “Inh wă jet iĕm, lăm năr pơdơh Sa'bat, kiơ̆ kơ tơdrong juăt bơ̆n athei pơm tơdrong 'lơ̆ng dah tơdrong kơnê̆, tơgŭm mơnat kon bơngai dah pơlôch bơngai?”