Mathiơ 12:10 - Sơ̆p Hlabơar Nơ̆r 'Bok Kei-Dei

¹⁰ Lăm hnam akŭm noh đei minh 'nu bơngai ti kue minh pah, na lu sư răp lăng Yêsu hăm ming pơklaih ti sư dah ưh, yua kơ năr noh năr pơdơh Sa'bat. Dah Sư pơklaih lei lu sư wă jô̆ Sư bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh. Na lu sư jet Yêsu khan: “Kiơ̆ tơdrong juăt bơ̆n hăm gơh ming pơklaih đe jĭ jăn lăm năr pơdơh Sa'bat dah ưh?”

Mathiơ 12:10 Iomraidhean Croise

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Sa 11:17

Răm-'băm tơpă kơ lu bơngai wei triu ưh kơ brĕ, achăng lê̆ triu lu sư! Iŏk đao 'bet kơkŏng ti sư păng koh măt gah 'ma sư; kơkŏng sư jing jo păng măt sư jing tol.”

Mathiơ 12:2

Lu bơngai Pharisi 'bôh thoi noh na khan kơ Yêsu: “Ih lăng, lu bơngai pơhrăm păng Ih pơm ưh kơ trŏ lăm năr pơdơh, năr pơdơh khan jang.”

Mathiơ 19:3

Đei bơngai Pharisi năm jet pơlong Sư, wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n, bơ̆n achăng akăn tơdrong kiơ kư̆m bưh dah thoi yơ?”

Markôs 3:2

Na đe răp lăng Yêsu hăm ming pơklaih sư dah ưh yua kơ năr noh năr pơdơh Sa'bat. Dah Sư pơklaih bơngai ti kue noh, lei đe wă jô̆ kơ Sư bơngai yoch, yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh.

Luka 11:54

wă kơ Yêsu pơma ưh kơ trŏ na lu sư wă đei tơdrong gơh jâu Sư.

Luka 13:14

Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Luka 20:22

Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar, pơtao đe Rôm mă pơgơ̆r bơ̆n dah ưh?”

Luka 23:14

Na Pilat khan kơ lu đe noh thoi âu: “Iĕm anhăk bơngai âu tơ inh hei, iĕm pơtă kơ Sư khan Sư pơchŭt lu kon tơring tơrang pơm ưh kơ lăp. Mă-lei inh sek tơlang Sư 'bơ̆t anăp lu iĕm hei inh ưh kơ 'bôh Sư pơm tơdrong yoch kiơ ôh gah tơdrong iĕm ată kơ Sư noh.

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Yo 5:10

Thoi noh boih na lu bơngai Juđê khan kơ bơngai 'nao klaih ei khan: “Năr âu năr giĕng lah. Ih 'nĕ tung anhăk sơkok ih.”

Yo 5:3

Tơ ala prơng noh đei lơ bơngai 'bĭch păn kơ jĭ jăn. Lu mơ'nah măt tol, mơ'nah ti kue, mơ'nah jơ̆ng jo go kơdŭ. Lu bơngai jĭ ei chang gô đak dơnâu tơglăk,

Yo 7:23

Iĕm jang kăt tơdra akar đe lăm năr pơdơh kư̆m gơh; liơ iĕm hil kơ Inh pơklaih bơngai jĭ jăn lăm năr pơdơh mơ̆n? Inh pơklaih bơngai jĭ jăn lăm năr pơdơh Sa'bat, noh trŏ hloh kơ iĕm kăt tơdra akar đe lăm năr pơdơh Sa'bat.

Yo 8:6

Lu sư jet thoi noh, lu sư wă pơlong lăng Yêsu, wă kơ Sư pơma ưh kơ trŏ tơdrong juăt đe Juđê, na lu sư wă jâu Yêsu 'bơ̆t anăp đe kră sek tơlang. Mă-lei Yêsu kŭp kơ̆l, ti Sư chih ngôi tơ teh.

Yo 9:16

Lu bơngai Pharisi mơ'nah khan: “Bơngai pơm thoi noh Sư ưh kơ sĭ lĕch đơ̆ng 'Bok Kei-Dei ôh, yua kơ Sư ưh kơ răk năr pơdơh Sa'bat.” Lu mơ'nah khan dơ̆ng: “Yah lei, bơngai yoch ưh kơ gơh pơm tơdrong mơsêh mơyang thoi Sư noh ôh.” Thoi noh na lu sư tơklah băl đon gah tơdrong Yêsu.