Mathiơ 11:17 - Sơ̆p Hlabơar Nơ̆r 'Bok Kei-Dei

¹⁷ ‘Nhôn hlôm tơgiĕp wă kơ tơdrong chơt, mă-lei iĕm kuă kơ suang pơrŏ. Nhôn hơri tơdrong đe lôch, mă-lei iĕm kuă kơ nhơ̆m hmoi.’

Mathiơ 11:17 Iomraidhean Croise

Bl 50:10

Kơplah truh tơ anih juă 'ba Atat, pah to đak Krong Jôrđăn, na lu sư akŭm hmoi sơ'ngon tih dêh tơ noh. Tơ noh Jôsep pơdong 'bă sư lăm tơpơh năr.

I Pot 1:40

Đĭ-đăng kon pơlei pơla kiơ̆ đơ̆ng rŏng, hlôm 'lal chhôk hơnôk dêh tơpă, teh mah pơpơ̆ kyĭng kyơ̆ng đơ̆ng jơwa nơ̆r lu sư ôr jreo.

Êsai 30:29

Lu iĕm gô hơri thoi lăm măng iĕm pơm giĕng 'lơ̆ng rơgoh, jơhngơ̆m lu iĕm gô chơt hiôk thoi bơngai hlôm 'lal tŏk tơ kông Kră Yang, truh tơ Tơmo Tih đe Isơrael.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Mathiơ 11:16

“Lu bơngai ahrei âu phara dêh, na Inh wă pơtih gia tơdrong sư lơliơ? Lu sư dang lĕ hơ'lơ̆p pơchơt ngôi tơ kơchơ. Lu sư đei 'bar khŭl. Minh khŭl pơma 'bơ̆r re kơ bôl sư khan:

Mathiơ 11:18

Na tơdrong iĕm kuă kơ nhi Yôhan kư̆m thoi noh mơ̆n. Sơ̆ Yôhan ơ̆t kơ por, ưh kơ et sik, na đe jô̆ kơ sư khan wơnh.

Mathiơ 9:15

Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh chhôk ngă 'nă hal dêh, lu sư ưh kơ đei bu ơh sơ'ngon ơ̆t kơ por ôh. Pôm ning-mônh đĕch đe wă rôp anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ por.

Mathiơ 9:23

Lăp Yêsu truh tơ hnam kră wei-lăng hnam akŭm, Sư mơ̆t tơ hnam 'bôh bơngai hlôm tơgiĕp, bơngai nhơ̆m hmoi tơjrông tơjrang mang.

Luka 15:25

“Mă-lei kon kơdră sư oei tơ mir. Truh sư brŏk wă jê̆ hnam sư boih, sư kơtơ̆ng đe hơri suang.

Luka 23:27

Lu kon pơlei pơla lơ tơpă kiơ̆ lăng Yêsu. Kư̆m đei lơ drŏ-kăn mơ̆n, sư hmoi ơh sơ'ngon rah.

Luka 7:32

Lu sư dang lĕ hơ'lơ̆p pơchơt ngôi tơ kơchơ, lu sư đei 'bar khŭl. Minh khŭl pơma 'bơ̆r re kơ bôl sư khan: ‘Nhôn hlôm tơgiĕp wă kơ tơdrong chơt, mă-lei iĕm kuă kơ suang pơrŏ. Nhôn hơri tơdrong đe lôch, mă-lei iĕm kuă kơ nhơ̆m hmoi.’

Luka 8:52

Đei lơ bơngai 'bơ̆t ei tơjrông tơjrang mang oei nhơ̆m hmoi. Na Yêsu khan kơ lu đe ei: “Iĕm 'nĕ pă nhơ̆m hmoi kơ sư wăi, sư ưh kơ lôch ôh, sư tep đĕch.”