Mathiơ 10:28 - Sơ̆p Hlabơar Nơ̆r 'Bok Kei-Dei

²⁸ Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 10:28 Iomraidhean Croise

II Pot 17:39

Mă-lei, athei hli yom kơ Kră Yang 'Bok kei-Dei iĕm, Sư gô pơklaih iĕm đơ̆ng ti lu bơngai ayăt kơ iĕm.”

Jop 37:24

Yua kơ thoi 'noh na kon bơngai hli yom kơ Sư. Kră Yang ưh kơ đei hiơ̆k 'blŏk ôh kơ bơngai khan kơ sư kơdih gơh hơgei.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Bôk Bơthô 5:7

Tơ yơ đei tơdrong apo lơ păng pơma lơ hnang, 'noh kư̆m tơdrong kơ đei; mă-lei ih athei hli yom kơ Kră Yang 'Bok Kei-Dei.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Mathiơ 10:26

“Mă-lei iĕm 'nĕ mah hli kơ lu sư ôh, yua kơ dôm tơdrong 'lơ̆ng đe gô băt, dôm tơdrong hrĕp đe gô 'bôh ning-mônh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Yo 5:29

na lu sư lĕch đơ̆ng bơsat. Lu bơngai đei đon 'lơ̆ng tơpăt sư iung arih đơ̆ng noh sư gô arih ling-lang. Lu bơngai pơm kơnê̆, sư iung arih đơ̆ng noh Inh gô phak sư.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Hêbrơ 10:31

Na bơ̆n pơm ưh kơ 'blep trŏ kơ tơ'ngla mă arih ling-lang, hơmơt dêh hli kơ Sư phak.

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.

Ya 4:12

Minh 'nu đĕch pơkă kơ bơ̆n athei bơ̆n kiơ̆ tơdrong juăt Sư păng sek tơlang lu bơ̆n kiơ̆ kơ tơdrong juăt Sư, khan bơ̆n pơm yoch dah ưh. Sư gơh pơklaih bơ̆n ăn kơ bơ̆n arih păng kư̆m gơh pơlôch bơ̆n mơ̆n. Na liơ iĕm pơ̆n jô̆ kơ 'nhŏng oh iĕm pơm yoch?

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.