Mathiơ 10:27 - Sơ̆p Hlabơar Nơ̆r 'Bok Kei-Dei

²⁷ Thoi noh na tơdrong âu Inh bơtho kơdrô̆ iĕm, thoi lĕ kơ bơtho lăm măng mu ưh kơ đei bu băt, ưh kơ đei bu 'bôh. Mă-lei iĕm gô bơtho tơ hơdah măt 'năr, wă khan iĕm gô bơtho tơ anăp bôl lơ.

Mathiơ 10:27 Iomraidhean Croise

Êsai 22:1

Nơ̆r khan lê̆ adrol gah thŭng tơdrong tơ'bôh. Lu iĕm đei tơdrong kiơ mă đĭ-đăng lu iĕm tŏk hao bơbŭng hnam thoi noh?

Mathiơ 24:17

Bơngai bu ngôi tơ 'ngoaih hnam 'nĕ pă mơ̆t iŏk tơmam sư tơ lăm hnam dơ̆ng.

Luka 12:3

Dôm tơdrong kon bơngai bơ̆n pơma kơdrô̆ dang ei thoi lĕ đe pơma lăm măng mu, mă-lei ning-mônh đe gô băt đĭ. Dôm tơdrong kon bơngai bơ̆n pơma lăm anih kơdrô̆ dang ei, ning-mônh đe gô pơma 'bơ̆r re đơ̆ng pra hnam, wă tơbăt kơ đĭ-đăng bơngai.

Luka 8:10

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Inh bơtho lu bơngai nai tơdrong noh Inh yua nơ̆r pơjuang ngăl, wă kơ sư lăng khŏm khŏm ră mă-lei ưh kơ 'bôh tơdrong kiơ, wă kơ sư mơ̆ng khŏm khŏm ră mă-lei ưh kơ hlôh.”

Yo 16:1

“Inh bơtho iĕm tôm tơdrong 'noh wă kơ iĕm huay kơ achăng lê̆ Inh.

Yo 16:13

Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Yo 16:25

“Inh bơtho iĕm dôm tơdrong 'noh păng nơ̆r pơtih gia ngăl. Mă ning-mônh kơnh Inh ưh pă bơtho păng nơ̆r pơtih gia boih. Inh gô pơma hơdah hloi gah tơdrong 'Bă Inh.

Yo 16:29

Lu bơngai pơhrăm păng Sư khan: “Dang ei nhôn băt kơ Ih pơma hơdah tôm tơdrong; Ih ưh pă pơma păng nơ̆r pơtih gia boih.

Jang 17:17

Na Pôl bơtho lu bơngai Juđê păng lu bơngai nai mă lui kơ 'Bok Kei-Dei tơ hnam akŭm bơngai Juđê wă kơ lu sư lui kơ Yêsu. Pôl kư̆m bơtho lu kon pơlei pơla tơ kơchơ mơ̆n.

Jang 5:20

“Năm tơ hnam akŭm 'Bok Kei-Dei tơm bĕ, bơtho kơ kon pơlei pơla gah tơdrong iĕm arih 'nao.”

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

II Kor 3:12

Yua kơ nhôn băt kơ thoi noh, na jơhngơ̆m nhôn sơĭng bơtho nuih tơpă.