Mathiơ 10:26 - Sơ̆p Hlabơar Nơ̆r 'Bok Kei-Dei

²⁶ “Mă-lei iĕm 'nĕ mah hli kơ lu sư ôh, yua kơ dôm tơdrong 'lơ̆ng đe gô băt, dôm tơdrong hrĕp đe gô 'bôh ning-mônh.

Mathiơ 10:26 Iomraidhean Croise

Tơdrông Pơđơk 10:9

Bơngai bu năm kiơ̆ trong tơpăt băt yak hiôk-hian. Mă-lei bơngai bu yak kiơ̆ trong đŏng gô pơmat.

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Bôk Bơthô 12:14

Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Markôs 4:22

Yua kơ tôm tơdrong Inh bơtho pơjuang kơ iĕm dang ei, iĕm gô hlôh nhen.

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Luka 8:17

Thoi noh tôm tơdrong Inh bơtho pơjuang kơ iĕm dang ei iĕm gô băt dơning dơmônh.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 4:13

Na lu sư sơleng kơ đon 'bôh bre Pêtrôs păng Yôhan pơma nuih tơpă. Lu sư kơnăl kơ bre sư bơngai ưh kơ đei hŏk, bơngai kuli đĕch, na lu sư kơnăl kơ bre sư oei hơdai păng Yêsu sơ̆.

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.