Mathiơ 10:24 - Sơ̆p Hlabơar Nơ̆r 'Bok Kei-Dei

²⁴ “Bơngai mă pơhrăm ưh kơ gơh pơhloh kơ 'bok thây. Bơngai đĭch ưh kơ layơ pơhloh kơ yŏng sư ôh.

Mathiơ 10:24 Iomraidhean Croise

II Sam 11:11

Uri tơl Đawit: “Hom pơgơ̆p lu linh Isơrael păng Juđa oei tơ lăm bơsŭn, Jôap yŏng tơ'ngla inh, hăm lu đĭch đam oei tơ bri, na inh wă brŏk tơ hnam sŏng sa păng tep hơdai păng akăn inh hă? Inh pơkă hăm ih, inh ưh kơ gơh pơm minh tơdrong thoi noh”

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Luka 6:40

Bơngai mă pơhrăm ưh kơ lah layơ pơm tih hloh kơ bơngai mă bơtho sư. Mă-lei dah sư adrin pơhrăm truh tôch na sư kư̆m dang ăi kơ bơngai mă bơtho sư mơ̆n.

Yo 13:16

Inh khan kơ iĕm tơpăt, đĭch ưh kơ lah tih hloh kơ yŏng sư. Bơngai mă đe wơh, ưh kơ lah tih hloh kơ bơngai wơh sư.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.