Markôs 9:9 - Sơ̆p Hlabơar Nơ̆r 'Bok Kei-Dei

⁹ Klaih kơ noh lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei, đơ̆ng dang ei truh Inh Kon Bơngai iung arih đơ̆ng lôch ning-mônh.”

Markôs 9:9 Iomraidhean Croise

Mathiơ 12:19

Mă-lei Sư ưh kơ chă pơjah pơjăng hăm đe, ưh kơ pơma pơret ôh, Kư̆m ưh kơ bơtho đe tơ anih kư̆ kă rok trong dah rok cham kon pơlei wă kơ đe ư-ang kơ Sư ôh.

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 5:43

Yêsu khă mĕ 'bă adruh ei hơdrol khan: “Biĕm 'nĕ chă roi kơ đe hŏ.” Đơ̆ng noh Yêsu athei mĕ sư sŏ ăn kơ kon adruh sư ei tơmam sŏng sa.

Markôs 7:36

Yêsu khan kơ lu sư: “'Nĕ chă roi kơ đe.” Mă-lei lăp Yêsu khă lu sư, lu sư rai ră roi kơ đe.

Markôs 9:10

Thoi noh na lu sư ôn tơdrong 'noh tơtăm lu sư kơdih. Mă-lei lu sư ưh kơ băt ôh akâu Yêsu gô lôch iung arih noh, na lu sư jet tơduă lu sư wă kơ băt tơdrong Yêsu khan: “Truh Inh Kon Bơngai iung arih đơ̆ng lôch ning-mônh.”

Markôs 9:8

Lu sư kơtơ̆ng nơ̆r pơma thoi noh hloi chă hue-huo lăng ră jua ưh kơ 'bôh bu dơ̆ng hơdai păng Yêsu dơ̆ng, pă minh 'nu Sư đĕch oei 'bơ̆t ei.

Luka 24:46

Yêsu khan kơ lu sư: “Tơdrong đe chih lê̆ hơdrol noh sơ̆ thoi âu: 'Bok Krist gô đei tơdrong pơmat-tat na lôch, kơtĕch pêng năr Sư iung arih dơ̆ng.

Luka 9:36

Lăp 'Bok Kei-Dei pơma thoi noh đang boih, hơloh kơ jua kơ bre Môis păng Êli, pă minh 'nu Yêsu đĕch oei 'bơ̆t ei. Kơplah ei sơ̆ lu sư ưh kơ roi ôh kơ đe tơdrong noh.