Markôs 9:5 - Sơ̆p Hlabơar Nơ̆r 'Bok Kei-Dei

⁵ Na Pêtrôs khan kơ Yêsu: “Ơ 'Bok Thây, bơ̆n oei tơ âu hiôk dêh. Lê̆ kơ nhôn pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.”

Markôs 9:5 Iomraidhean Croise

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Mathiơ 17:4

Na Pêtrôs khan kơ Yêsu: “Ơ 'Bok, bơ̆n oei tơ âu hiôk dêh. Lê̆ kơ inh pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.”

Mathiơ 23:7

Lu sư wă kơ đe kơkuh kơ sư tơ anih đe akŭm tơpôl păng wă kơ đe krao lu sư 'bok thây.

Mathiơ 23:8

“Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Markôs 9:4

Đơ̆ng noh 'bôh blư kơ Môis păng Êli jur pơma dơnuh hăm Yêsu.

Markôs 9:6

Pêtrôs sư pơma thoi noh yua kơ sư ưh pă gơh pơma thoi yơ boih kơlih kơ lu sư hli dêh.

Luka 9:33

Lăp bre noh wă weh đơ̆ng Yêsu, na Pêtrôs khan kơ Yêsu: “Ơ 'Bok Thây, bơ̆n oei tơ âu hiôk dêh. Lê̆ kơ nhôn pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.” Pêtrôs pơma thoi noh, sư pơma hơdrol kơ đon.

Yo 4:31

Kơplah lu sư oei nơnăm rok trong tam mă truh tơ Yêsu, na lu bơngai pơhrăm păng Sư khan kơ Sư thoi âu: “Ơ 'Bok Thây, sŏng sa bĕ.”

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.