Markôs 9:44 - Sơ̆p Hlabơar Nơ̆r 'Bok Kei-Dei

⁴⁴ Lăm dơnâu ŭnh ei boih đei hrai mă ưh kơ lôch wă sa lu bơngai mă huŏng lăm dơnâu ŭnh ei; păng ŭnh ei ưh kơ layơ păt hơngăm.

Markôs 9:44 Iomraidhean Croise

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Markôs 9:43

“Dah minh pah ti iĕm pơm kơ iĕm yoch, chơ̆ng lê̆ minh pah ti iĕm 'noh, na oei pă minh pah 'noh iĕm gơh mơ̆t oei păng 'Bok Kei-Dei. 'Noh 'lơ̆ng hloh kơ iĕm oei tôm 'bar pah ti ră, mă-lei wă huŏng lăm dơnâu ŭnh mă ưh kơ layơ păt.

Markôs 9:45

Dah minh pah jơ̆ng iĕm pơm kơ iĕm yoch, chơ̆ng lê̆ minh pah jơ̆ng iĕm 'noh, na oei pă minh pah 'noh iĕm gơh mơ̆t oei păng 'Bok Kei-Dei. 'Noh 'lơ̆ng hloh kơ iĕm oei tôm 'bar pah jơ̆ng ră mă-lei wă huŏng lăm dơnâu ŭnh.

Markôs 9:48

Lăm dơnâu ŭnh ei boih đei hrai mă ưh kơ lôch wă sa lu bơngai mă huŏng lăm dơnâu ŭnh ei; păng ŭnh ei ưh kơ layơ păt hơngăm.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”