Markôs 9:35 - Sơ̆p Hlabơar Nơ̆r 'Bok Kei-Dei

³⁵ Yêsu tơoei păng krao mơjĭt-'bar 'nu bơngai pơhrăm păng Sư. Na Sư khan: “Dah bu wă pơm yŏng pơgơ̆r lu iĕm, bơngai 'noh athei pơm thoi lĕ đĭch đam kơ đĭ-đăng kơ iĕm.”

Markôs 9:35 Iomraidhean Croise

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Je 45:5

Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Mathiơ 23:11

Lăm lu iĕm bu wă pơm tih, bơngai noh athei pơm thoi lĕ đĭch đam iĕm.

Markôs 9:36

Na Yêsu năm dui iŏk minh 'nu bơngai 'lơ̆p, ăn kơ sư oei tŏk-bŏk lu sư. Yêsu pôk bơngai 'lơ̆p 'noh na khan kơ bơngai pơhrăm păng Sư:

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Luka 22:26

Mă-lei iĕm 'nĕ kơ pơm rok lu 'bok pơgơ̆r noh hŏ. Bơngai bu 'maih pơm 'bok tih lăm lu iĕm, lei bơngai noh athei pơm iĕ hloh kơ đe. Dah bơngai bu 'maih pơm yŏng pơgơ̆r lăm lu iĕm, bơngai noh athei pơm thoi lĕ đĭch iĕm.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”