Markôs 9:34 - Sơ̆p Hlabơar Nơ̆r 'Bok Kei-Dei

³⁴ Lu sư thĕng ưh kơ pơ̆n roi kơ Sư, yua kơ kơplah rok trong hei lu sư pơma pơjah pơjăng dih băl tơpă, lu sư wă kơ băt bu pơm tih 'biơ̆ kơ tơduă lu sư.

Markôs 9:34 Iomraidhean Croise

Mathiơ 16:7

Lu bơngai pơhrăm păng Sư ưh kơ hlôh tơdrong Sư pơma na lu sư tơkhan dih băl: “Sư pơma thoi noh băt Sư jô̆ kơ bơ̆n hiơt kơ chĕp 'bĕng mi kơlĕ.”

Markôs 9:50

“'Boh tah kơ tơmam sa bơ̆n 'băt 'lơ̆ng păng săt ling-lang. Mă-lei dah 'boh jing sap bơ̆n ưh kơ đei kiơ wă pơm kơ 'boh 'băt dơ̆ng. Bơ̆n băt kơ 'boh tah kơ tơmam sa bơ̆n 'băt 'lơ̆ng, na iĕm athei pơm jơhngơ̆m đon dim hiôk hơiă dih băl ling-lang kư̆m thoi tơmam sa tah 'boh oei săt khŏm khŏm.”

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.

III Yo 1:9

Inh chih boih kơthơ pơtruh tơ hnam akŭm 'Bok Kei-Dei iĕm. Na 'bok Diôtrip, sư wă pơm kră bơngai lui, mă-lei sư ưh kơ wă mơ̆ng inh ôh.