Markôs 9:25 - Sơ̆p Hlabơar Nơ̆r 'Bok Kei-Dei

²⁵ Yêsu 'bôh đe tơpôl rĭ rai jê̆ Sư na Sư wă jah keh tơdrong 'noh. Na Sư pơpuh hloi yang kơnê̆ ei khan: “Ơ yang kơnê̆ ngăl pơm kơ đe kơmlo păng klĭk, Inh pơpuh e lĕch jăk đơ̆ng sư âu, 'nĕ pă mơ̆t oei lăm akâu sư dơ̆ng.”

Markôs 9:25 Iomraidhean Croise

Sa 3:2

Kră Yang khan kơ Satan thoi âu: “Ơ Satan, thŭ Kră Yang hil hiap ih; Kră Yang Tơ'ngla mă rơih iŏk boih Jêrusalem hil chrih kơ ih. 'Nâu hăm trŏ thoi kơtôch đe 'nao dui đơ̆ng ŭnh?”

Mathiơ 12:22

Kơplah noh đe năm ba tơ Yêsu minh 'nu bơngai măt tol păng sư kư̆m kơmlo yua kơ yang kơnê̆ pơm kơ sư. Na Yêsu pơpuh yang kơnê̆ lĕch đơ̆ng akâu bơngai noh na bơngai noh gơh 'bôh hơdah păng gơh pơma.

Mathiơ 17:18

Đơ̆ng noh na Yêsu pơpuh yang kơnê̆ lĕch đơ̆ng akâu bơngai 'lơ̆p noh. Yang kơnê̆ lĕch jăk hloi ưh pă pơm kơ bơngai 'lơ̆p noh pơ̆k dơ̆ng.

Markôs 9:15

Lăp lu sư 'bôh Yêsu, lu sư kơdrăt na pơm kơdâu năm tơkan tơ Yêsu kơkuh kơ Yêsu.

Markôs 9:24

'Bă bơngai 'lơ̆p yang kơnê̆ mơ̆t ei pơma hloi 'bơ̆r re khan: “Inh lui mơ̆n mă-lei oei rơdu. Apinh Ih pơm ăn kơ inh lui mă kơjăp.”

Markôs 9:26

Yang kơnê̆ hmoi pơret pơm kơ sư pơtơ̆l, na lĕch jăk hloi đơ̆ng akâu bơngai 'lơ̆p ei. Na bơngai 'lơ̆p ei đe lăng sư nhen lôch na đĭ-đăng kơ đe khan: “'Noh sư lôch boih.”

Luka 11:14

Đei minh 'nu bơngai yang mơ̆t pơm kơ sư kơmlo. Na Yêsu pơpuh yang kơnê̆ ei lĕch đơ̆ng akâu bơngai noh, na bơngai noh gơh pơma hloi. Lu bơngai tơpôl 'bôh thoi noh na lu sư sơleng kơ đon.

Luka 4:35

Na Yêsu khă yang kơnê̆ ei thoi âu: “E 'nĕ pă pơma. E jah lĕch đơ̆ng akâu sư âu wăi.” Na yang kơnê̆ ei hơloh glơ̆m bơngai yang mơ̆t ei 'bơ̆t anăp đe tơpôl, na lĕch jăk hloi đơ̆ng bơngai ei. Na bơngai ei kư̆m huay kơ jĭ ôh.

Luka 4:41

Na Yêsu kư̆m pơpuh lơ lu yang kơnê̆ lĕch đơ̆ng akâu đe. Na yang kơnê̆ ei khan kơ Yêsu: “Ih boih Kon 'Bok Kei-Dei tơpă.” Mă-lei Yêsu khă lu yang kơnê̆ ei kuă ăn pơma, yua kơ lu sư băt kơ Yêsu 'Bok Krist gô wă tơbăt ăn Sư kơ đe.

Luka 9:42

Kơplah 'lơ̆p noh năm wă jê̆ Yêsu na yang kơnê̆ glơ̆m lê̆ sư arăng jơ'mro. Na Yêsu pơma pơpuh tơlĕch lê̆ hloi yang kơnê̆ 'nei đơ̆ng akâu sư ưh pă layơ mơ̆t dơ̆ng. Na Sư pơjao 'lơ̆p 'nei kơ 'bă sư dơ̆ng.

Jang 16:18

Adruh ei kiơ̆ nhôn rim năr khŏm khŏm, truh tơ Pôl sư pă kĕ ĕnh boih. Na Pôl hue lăng adruh ei păng khan kơ yang kơnê̆: “Inh yua anăn Yêsu Krist, inh athei e lĕch đơ̆ng bơngai adruh âu.” Na yang kơnê̆ ei lĕch hloi.

Ju 1:9

'Bok Mikael, 'bok mă pơgơ̆r tơduă lu sư linh jang 'lơ̆ng, kơplah yŏng yang kơnê̆ wă pơjei iŏk atâu Môis, 'bok Mikael ưh kơ pơ̆n pơma jâu kơnê̆ kơ yang ei ôh. Sư pôm pơma thoi âu đĕch: “Inh gô mơ̆ng kơ 'Bok Kei-Dei đĕch khă e.”