Markôs 9:24 - Sơ̆p Hlabơar Nơ̆r 'Bok Kei-Dei

²⁴ 'Bă bơngai 'lơ̆p yang kơnê̆ mơ̆t ei pơma hloi 'bơ̆r re khan: “Inh lui mơ̆n mă-lei oei rơdu. Apinh Ih pơm ăn kơ inh lui mă kơjăp.”

Markôs 9:24 Iomraidhean Croise

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

II Pot 20:5

“Wơ̆t brŏk bĕ, khan kơ Hesekia, pơtao lu kon pơlei Inh, Kră Yang 'Bok kei-Dei Đawit 'bok kơdră ih khan: Inh kơtơ̆ng bơih nơ̆r ih krao khan, 'bôh ih nhơ̆m lĕch đak măt; 'nâu Inh gô pơklaih jĭ ih; truh tơ năr mă pêng ih gô năm tơ hnam Kră Yang.

Horiso 126:5

Bu rei adrĕch mă lĕch đak măt, Sư gô kĕch iŏk hăm hơri chơt hiôk.

Horiso 39:12

Ơ Kră Yang 'Bok Kei-Dei! Mơ̆ng bĕ nơ̆r inh krao apinh, mơ̆ng bĕ nơ̆r inh krao ôr. Apinh Inh 'nĕ kơ chĭt đon kơ đak măt inh nhơ̆m. Yua kơ inh thoi bơngai tơmoi. Bơngai tơmoi mă oei thoi yă 'bok inh.

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Markôs 9:23

Yêsu khan kơ sư: “Dah ih đei đon lui, lei kon ih gô klaih. Bơngai bu đei đon lui, bơngai 'noh sư gơh pơm tôm tơdrong.”

Markôs 9:25

Yêsu 'bôh đe tơpôl rĭ rai jê̆ Sư na Sư wă jah keh tơdrong 'noh. Na Sư pơpuh hloi yang kơnê̆ ei khan: “Ơ yang kơnê̆ ngăl pơm kơ đe kơmlo păng klĭk, Inh pơpuh e lĕch jăk đơ̆ng sư âu, 'nĕ pă mơ̆t oei lăm akâu sư dơ̆ng.”

Luka 17:5

Lu jơ̆ng 'bang Kră Yang Yêsu khan kơ Sư: “Apinh Ih tơgŭm nhôn lui kơ 'Bok Kei-Dei kơjăp.”

Luka 7:38

Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

Luka 7:44

Đơ̆ng noh na Yêsu hue tơ bơngai drŏ-kăn noh khan hloi kơ Simôn: “Ih lăng bơngai drŏ-kăn âu. Lăp Inh mơ̆t tơ hnam ih, ih ưh kơ ăn kơ Inh đak wă ôp jơ̆ng Inh ôh, mă-lei sư âu ôp jơ̆ng Inh păng đak măt sư păng sut pơhrĕng păng sŏk sư kơdih.

Jang 10:19

Pêtrôs sư oei tơchĕng tơdrong sư 'bôh hei, na Yang Bơhngol 'Lơ̆ng khan kơ sư: “Pêng 'nu bơngai truh tơ âu, sư chă ih.

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

II Kor 2:4

Kơplah inh chih kơ iĕm kơthơ ki, inh ơh sơ'ngon dêh, inh nhơ̆m hmoi ơh ăi minh 'nu, mă-lei ưh kơ sĭ inh wă kơ iĕm sơ'ngon hai ôh. Inh wă kơ iĕm băt kơ inh 'mêm kơ iĕm tơpă.

Êphêsô 2:8

Bơ̆n klaih đơ̆ng tơdrong yoch oei hiôk hăm 'Bok Kei-Dei, yua kơ 'Bok Kei-Dei 'mêm mơnat kơ bơ̆n na Sư pơklaih, yua kơ bơ̆n lui păng gơnang kơ Yêsu tơpă na Sư mơnat. Ưh kơ sĭ bơ̆n gơh klaih kơdih ôh, mă-lei tơdrong noh Sư ăn đĕch.

Philip 1:29

'Bok Kei-Dei 'mêm kơ iĕm na Sư ăn kơ iĕm lui kơ Yêsu, mă ưh kơ sĭ Sư ăn kơ iĕm lui kơ Yêsu lui hiôk, kơkuh kơ Sư kơkuh hiôk đĕch ôh. Sư wă kơ iĕm pơư pơang kơ đe anăn Yêsu Krist mă tơpă, na mă Sư kư̆m ăn kơ iĕm pŭ pơmat tơdrong Yêsu mơ̆n.

II Tes 1:11

Kơlih kơ thoi noh nhôn krao khan kơ Kră Yang 'Bok Kei-Dei apinh Sư ăn kơ iĕm lui kơjăp khŏm khŏm trŏ thoi Sư wă. Sư boih krao iŏk lu iĕm wă kơ iĕm jing kon Sư. Nhôn apinh Sư ăn kơ iĕm jơhngơ̆m pran wă kơ iĕm gơh răk đon 'lơ̆ng tơpăt, kư̆m thoi iĕm tơchĕng wă mơ̆n. Nhôn apinh Sư ăn kơ iĕm lui kơjăp wă kơ iĕm jang tơdrong Sư pran kơtang.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

II Tim 1:4

Inh oei 'blŏk mơ̆n kơ ih hmoi kơ inh hơtai ba wă tơklah dih băl sơ̆, na dang ei inh rơnguơ̆ dêh, inh wă kơ ba tơ'bơ̆p băl dơ̆ng na jơhngơ̆m inh hiôk.

Hêbrơ 12:17

Đơ̆ng rŏng iĕm kư̆m băt mơ̆n sư wă dơ̆ng ră, sư athei 'bă sư krao khan pơsĭt kơ 'Bok Kei-Dei ăn kơ sư jing kon kơdră dơ̆ng. Mă-lei 'bă sư ưh pă gơh boih, mă sư nhơ̆m hmoi lung 'bă sư dang yơ lap đĕch, ưh pă gơh tơwih băl boih, yua kơ 'nhŏng oh bre sư tơplih băl đang boih.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.