Markôs 9:2 - Sơ̆p Hlabơar Nơ̆r 'Bok Kei-Dei

² Tơdrâu năr đơ̆ng rŏng kơ năr noh, Yêsu anhăk Pêtrôs, Yakơ hăm Yôhan lu sư tŏk tơ kông kơjung kơdrô̆ dôm lu sư âu. Na Yêsu tơwir akâu Sư kơdih 'bơ̆t anăp lu đe pêng 'nu noh.

Markôs 9:2 Iomraidhean Croise

I Pot 18:33

Sư dan 'long ŭnh păng kăt kơnăt 'nhĕm rơmo tơno 'noh dan tơ kơpal 'long ŭnh. Đơ̆ng noh sư khan: “Tuh đak 'bĕnh kơ puăn tŏ ge păng tuh đak noh tơ kơpal 'nhĕm kơnăt păng 'long ŭnh.”

I Pot 18:42

Na Ahap tŏk năm sŏng sa păng et, Êli tŏk tơ kơpal kông Karmel, kŭp tơ teh, muh măt sư kŭp sơlam 'bar pah kŭl-tăng sư.

Le 24:13

Môis iung hơdai hăm Jôsuê, bơngai jang kơ sư, na Môis năm tŏk hloi tơ kơpal kông Kră Yang 'Bok Kei-Dei.

Êsai 33:17

Măt ih gô 'bôh pơtao lăm tơdrong 'lơ̆ng rŏ sư păng ih gô lăng 'bôh teh đak pơih rai să.

Êsai 53:2

Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Mathiơ 14:13

Lăp Yêsu kơtơ̆ng tơdrong 'noh Sư lĕch hloi đơ̆ng hnam năm tơ thŏng-nan wơ̆r năm tơ anih kueng kơdrô̆. Lu pơlei kiơ̆ ei băt kơ Yêsu năm tơ anih noh boih na lu sư lĕch đơ̆ng pơlei noh yak jơ̆ng kiơ̆ Yêsu tơ anih kueng noh.

Markôs 14:33

Yêsu anhăk ba lăp pêng 'nu đĕch truh tơ anih Sư krao khan. Anăn lu pêng 'nu noh Pêtrôs, Yakơ, Yôhan. Yêsu mơ-mreh hli dêh yua kơ Sư băt kơdih wă đei tơdrong gleh truh.

Markôs 16:12

Klaih kơ noh Sư tơ'bôh akâu Sư kơ 'bar 'nu bơngai pơhrăm păng Sư kơplah bre sư oei năm rok trong lĕch đơ̆ng Pơlei Jêrusalem. Mă hơdrol bre sư lăng hlĭch tơpă mă đơ̆ng rŏng bre sư kơnăl nhên tơpă.

Markôs 5:37

Yêsu ưh kơ ăn đe kiơ̆ Sư, Sư ăn lu bơngai âu đĕch kiơ̆ Sư: Pêtrôs, Yakơ păng Yôhan mă oh Yakơ.

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

II Kor 13:1

Wă pêng 'măng kơ âu boih inh năm tơ iĕm, mă-lei ưh kơ sĭ năm chă jâu đe kư̆ kă ôh; tơ̆ng 'bar pêng 'nu 'bôh sư pơm yoch tơpă, na gơh pơma kơ sư.

Philip 3:21

Sư gơh tơplih akâu bơ̆n đơ̆ng bơngai răm-'băm, jing thoi akâu Sư 'lơ̆ng rŏ; Sư gơh pơm tôm tơdrong yua kơ Sư mơsêh tăp pang mơyang tăp dăr.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.