Markôs 9:18 - Sơ̆p Hlabơar Nơ̆r 'Bok Kei-Dei

¹⁸ Mă tơ yơ yơ mưh yang kơnê̆ mơ̆t lăm akâu sư, yang kơnê̆ glơ̆m sư pơ̆k na sư lĕch đak hai djơdjih djơdjah păng tơkăp sơnĕnh kơkrit kơkrat jing arăng jơ'mro. Na inh apinh lu bơngai pơhrăm păng Ih pơpuh yang kơnê̆ lĕch đơ̆ng akâu sư ră lu sư ưh kơ gơh.”

Markôs 9:18 Iomraidhean Croise

Jop 16:9

Lăm tơdrong blĕk Kră Yang 'Bok Kei-Dei hek hơđah inh; kăp hơnĕnh blĕk kơ inh thoi sem bri, Thoi bơngai ayăt kơ inh sư lăng pơglăn 'bloh tơ inh.

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Mathiơ 17:16

Inh năm apinh ră boih tơ lu bơngai pơhrăm păng Ih, mă-lei lu sư ưh kơ gơh pơklaih.”

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Markôs 11:23

Inh roi kơ iĕm tơpăt, dah bơ̆n wă sơkat kơ kông âu gơh mơ̆n. Bơ̆n khan thoi âu: ‘Weh bĕ e, hiŏng kơtah kơdih tơ đak dơsĭ to.’ Dah bơ̆n lui kơ kông âu gô hiŏng kơtah kơdih tơpă 'nĕ kơ ngĭl ngŭl, lei bơ̆n gô 'bôh tơpă.

Markôs 9:17

Đei minh 'nu lăm bơngai tơpôl ei đĕch tơl wă apinh Yêsu pơklaih kon sư. Sư khan: “Ơ 'Bok Thây, inh đei anhăk kon drŏ-nglo inh tơ Ih. Sư bơngai yang kơnê̆ mơ̆t pơm kơ sư kơmlo.

Markôs 9:19

Na Yêsu khan kơ lu sư: “Ơ lu iĕm mă oei lui rơdu hơnơ̆ng, iĕm wă kơ Inh oei hơdai iĕm đunh dang yơ 'mơ̆i, na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Markôs 9:20

Na đe năm ba 'lơ̆p ei tơ Sư. Lăp yang kơnê̆ 'bôh Yêsu, yang kơnê̆ glơ̆m 'lơ̆p ei tơgrŏl hloi akâu sư kơdih. Đak hai sư lĕch djơdjih djơdjah.

Markôs 9:26

Yang kơnê̆ hmoi pơret pơm kơ sư pơtơ̆l, na lĕch jăk hloi đơ̆ng akâu bơngai 'lơ̆p ei. Na bơngai 'lơ̆p ei đe lăng sư nhen lôch na đĭ-đăng kơ đe khan: “'Noh sư lôch boih.”

Jang 7:54

Êtien pơma kơ lu 'bok sek tơlang ei 'lơ̆ng ră mơ̆n, mă lu 'bok sek tơlang ei tơkăp sơnĕnh hil mơmĭl areh kơ Êtien.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.