Markôs 9:13 - Sơ̆p Hlabơar Nơ̆r 'Bok Kei-Dei

¹³ Inh khan kơ iĕm tơpă, Êli truh boih păng đe pơm kơnê̆ kơ sư kiơ̆ gô mơ̆ng kơ đe wă, kư̆m thoi đe chih roi lê̆ hơdrol gah tơdrong sư lăm sơ̆p hla bơar 'Bok Kei-Dei sơ̆.”

Markôs 9:13 Iomraidhean Croise

Mathiơ 11:14

Sơ̆p hla bơar 'Bok Kei-Dei khan Êli wă jur. Mă tơpă Yôhan noh boih Êli, hli kơ iĕm ưh kơ lui đĕch na khan ưh kơ trŏ kơ Êli.

Markôs 9:12

Yêsu khan kơ lu sư: “Trŏ boih Êli jur tơ teh hơdrol kơ 'Bok Krist, yua kơ sư hơmet ming tôm tơdrong hơdrol. Na Inh kư̆m wă jet iĕm mơ̆n: Yua kơ kiơ sơ̆p hla bơar 'Bok Kei-Dei chih khan lê̆ hơdrol kơ Inh Kon Bơngai gô đei tơdrong pơmat-tat păng tơdrong đe hil areh kơ Inh?

Markôs 9:14

Lăp lu sư brŏk tơ lu buăl pơhrăm păng sư wă jê̆ truh boih, na lu sư 'bôh bơngai tơpôl lơ akŭm tăp dăr kơ lu bơngai pơhrăm păng Sư mă oei tơ ei. Đei lu 'bok thây bơtho tơdrong juăt đe Juđê oei pơjah pơjăng păng lu bơngai pơhrăm păng Yêsu mă oei tơ ei.

Luka 1:17

Kră Yang bơ̆n wă jê̆ jur na kon ih ei gô năm hơdrol kơ Kră Yang. Sư đei Yang Bơhngol 'Lơ̆ng ăn kơ sư jing pran kơtang tơpă kư̆m thoi Êli sơ̆. Sư gô tơgŭm kon pơlei Isơrael 'mêm mơnat kơ lu kon sư. Sư gô tơgŭm lu bơngai ưh kơ lui tơbral kơdih tơdrong yoch na wă kơ đei đon 'lơ̆ng. Yua kơ thoi noh na sư hơmet ming kon bơngai adrol kơ Kră Yang truh.”

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.