Markôs 9:10 - Sơ̆p Hlabơar Nơ̆r 'Bok Kei-Dei

¹⁰ Thoi noh na lu sư ôn tơdrong 'noh tơtăm lu sư kơdih. Mă-lei lu sư ưh kơ băt ôh akâu Yêsu gô lôch iung arih noh, na lu sư jet tơduă lu sư wă kơ băt tơdrong Yêsu khan: “Truh Inh Kon Bơngai iung arih đơ̆ng lôch ning-mônh.”

Markôs 9:10 Iomraidhean Croise

Bl 37:11

Lu 'nhŏng sư blĕk kơ sư rai dêh. Gah 'bă sư răp gô lăng tơdrong noh.

Mathiơ 16:22

Na Pêtrôs krao Yêsu weh ataih 'biơ̆, sư wă khă Yêsu yua kơ Yêsu pơma thoi noh hei. Pêtrôs khan: “Ơ 'Bok, apinh 'Bok Kei-Dei 'nĕ ăn truh kơ Ih tơdrong 'noh.”

Markôs 9:11

Na lu sư jet Yêsu: “Lơliơ lu thây bơtho tơdrong juăt đe Juđê khan Êli gô jur tơ teh hơdrol kơ 'Bok Krist?”

Markôs 9:32

Mă-lei lu sư ưh kơ hlôh ôh Yêsu pơma thoi noh păng ưh kơ pơ̆n jet Sư tăm.

Markôs 9:9

Klaih kơ noh lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei, đơ̆ng dang ei truh Inh Kon Bơngai iung arih đơ̆ng lôch ning-mônh.”

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.