Markôs 8:6 - Sơ̆p Hlabơar Nơ̆r 'Bok Kei-Dei

⁶ Sư athei lu bơngai tơpôl ei tơoei tơ teh. Sư iŏk tơpơh tŏ 'bĕng mi 'noh, krao khan bơnê kơ 'Bă Sư 'Bok Kei-Dei, phĕ hloi 'bĕng mi noh ăn kơ lu bơngai pơhrăm păng Sư chă asong kơ lu bơngai tơpôl ei; na lu bơngai pơhrăm păng Sư chă asong kơ bôl buăl.

Markôs 8:6 Iomraidhean Croise

Mathiơ 26:26

Kơplah lu sư sŏng sa, Yêsu iŏk 'bĕng mi krao khan bơnê kơ 'Bok Kei-Dei na phĕ hloi 'bĕng mi noh asong kơ lu sư păng khan: “Iŏk sa 'bĕng âu bĕ, 'bĕng âu boih akâu Inh.”

Markôs 8:20

“Bĭ đơ̆ng rŏng dơ̆ng Inh iŏk tơpơh tŏ 'bĕng mi phĕ asong kơ puăn-rơbâu 'nu bơngai, na iĕm dônh tah 'bĕnh dôm tŏ bai rơkah?” Lu sư khan: “Tơpơh tŏ bai.”

Markôs 8:5

Na Yêsu jet lu sư: “Iĕm đei dôm tŏ 'bĕng mi tơ âu?” Lu bơngai pơhrăm păng Sư khan: “Tơpơh tŏ.”

Markôs 8:7

Lu sư kư̆m đei 'bar pêng găr ka iĕ iĕ. Yêsu krao khan bơnê kơ 'Bă Sư 'Bok Kei-Dei, na Sư athei lu sư chă asong kơ bôl buăl.

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Luka 24:30

Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Yo 2:5

Mĕ Sư kơtơ̆ng thoi noh boih, na sư năm khan kơ lu bơngai awih: “Iĕm jang kiơ̆ kơ Sư athei hŏ.”

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

Rom 14:6

Bơngai mă oei kiơ̆ rim kơ năr giĕng, yua kơ sư 'mêm kơ 'Bok Kei-Dei na sư oei kiơ̆. Na tơdrong sa 'nhĕm 'nhot kư̆m thoi noh; bơngai mă tơchĕng gơh sa sư kư̆m 'mêm kơ 'Bok Kei-Dei mơ̆n; bơngai mă tơchĕng khan giĕng kơ sa, sư kư̆m 'mêm kơ 'Bok Kei-Dei. Bơngai mă gơh sa sư băt tôm tơdrong tơmam sa 'Bok Kei-Dei pơjing wă ăn kơ kon bơngai sa na sư bơnê kơ 'Bok Kei-Dei. Bơngai mă giĕng kơ sa sư kư̆m lei-lăi, sư giĕng kơ sa yua kơ sư wă kơkuh kơ 'Bok Kei-Dei na sư kư̆m bơnê kơ 'Bok Kei-Dei mơ̆n.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

I Sam 9:13

Mưh mơ̆t lăm pơlei, măr iĕm tơ'bơ̆p sư ngei adrol kơ sư năm tơ groi wă et sa. Kon pơlei ưh kơ et sa ôh adrol kơ sư truh, yua kơ sư gô sơkat ăn pŭn hiôk kơ tơmam soi; đang bơih, na đe năm akŭm ei gơh et sa. Năm bĕ măr iĕm, măr iĕm gô tơ'bơ̆p sư.