Markôs 8:38 - Sơ̆p Hlabơar Nơ̆r 'Bok Kei-Dei

³⁸ Ning-mônh Inh Kon Bơngai gô jur tơ ala teh âu hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu kiơ̆ Inh boih, mă-lei sư kơdơ̆ mơlâu kơ lu bơngai kơnê̆ tam lui na sư kuă kơ bơtho lu sư tơdrong Inh, năr 'noh kơnh Inh kư̆m kuă kơ sư mơ̆n.”

Markôs 8:38 Iomraidhean Croise

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Mathiơ 12:39

Yêsu khan: “Jơhnơr iĕm ahrei kơnê̆ dêh, na mă kuă kơ lui kơ 'Bok Kei-Dei. Iĕm pơm pơlong Inh tơ'bôh kơ iĕm tơdrong mơsêh wă kơ iĕm băt kơ Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh thoi iĕm apinh noh ôh. Bĭ tơdrong Jôna sư bơngai pơtruh nơ̆r 'Bok Kei-Dei sơ̆, na ka luăn sư pêng măng pêng năr, noh kư̆m dang pơm tơdrong mơsêh tơ'bôh kơ iĕm boih.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 16:4

Jơhnơr iĕm ahrei kơnê̆ dêh, na mă kuă kơ lui kơ 'Bok Kei-Dei. Iĕm pơm pơlong Inh tơ'bôh kơ iĕm tơdrong mơsêh wă kơ iĕm băt Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh thoi iĕm apinh noh ôh. Bĭ tơdrong Jôna sư bơngai pơtruh nơ̆r 'Bok Kei-Dei sơ̆, ka luăn sư pêng măng pêng năr, na ning-mônh 'Bok Kei-Dei kư̆m tơ'bôh kơ iĕm tơdrong mơsêh thoi noh mơ̆n, wă kơ iĕm băt Inh đơ̆ng Sư tơpă.” Đang kơ Sư pơma thoi noh Sư năm hloi tơ nai.

Mathiơ 24:30

Kơplah noh đĭ-đăng kon bơngai ala teh âu nhơ̆m hmoi yua kơ lu sư 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Markôs 13:26

Kơplah noh đe gô 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Markôs 14:62

Yêsu tơl: “Inh boih Krist. Ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin, na đơ̆ng noh jur đơ̆ng plĕnh hăm hơmơ̆l.”

Markôs 8:37

Mă sư mơdrŏng kư̆m ưh kơ gơh răt tơdrong arih sư ôh.

Luka 19:26

Na 'bok pơtao khan kơ lu sư: ‘Inh khan kơ iĕm tơpă, bơngai bu jang pơnam đei tơmam lơ, Kră Yang mơnat rai ăn pơthim tăm. Bơngai bu alah, tơmam ưh kơ đei lơ, rai hiong tơmam đơ̆ng sư kơdih tăm.

Luka 9:26

Ning-mônh Inh Kon Bơngai gô jur tơ ala teh âu dơ̆ng, hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu khan sư kiơ̆ Inh boih, mă-lei sư kơdơ̆ mơlâu kơ đe na kuă kơ bơtho kơ đe tơdrong Inh, năr 'noh kơnh Inh kư̆m kuă kơ sư mơ̆n.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:51

Yêsu khan kơ lu sư: “Inh khan kơ iĕm tơpă, ning-mônh iĕm gô 'bôh plĕnh tơpơih na iĕm 'bôh lu linh jang 'lơ̆ng 'Bok Kei-Dei jur tơ Inh Kon Bơngai păng iĕm kư̆m 'bôh lu sư tŏk tơ plĕnh.”

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

Yo 5:27

'Bă Sư ăn kơ Kon Sư sek tơlang kon bơngai, yua kơ Kon Sư jur jing bơngai.

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Jang 5:41

Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Galati 6:14

Gah inh ưh kơ đei pơang akâu inh kơdih ôh, inh wă pơang đe gah 'long pơglang Yêsu đĕch. Yua kơ Kră Yang Yêsu Krist lôch tang inh tơ 'long pơglang tơpă na inh lê̆ đĭ-đăng tơdrong ala teh âu, dang lĕ inh pơ̆ng lê̆ dôm tơdrong ala teh âu tơ 'long pơglang, kư̆m dang inh lôch tơ 'long pơglang ưh pă kiơ̆ dôm tơdrong ala teh âu.

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

I Tes 2:19

Nhôn 'mêm kơ iĕm tơpă; ning-mônh lăp Kră Yang bơ̆n Yêsu Krist jur tơ ala teh dơ̆ng, nhôn chơt hiôk tơpă, yua kơ iĕm lui kơ Yêsu đơ̆ng lu nhôn bơtho iĕm ki. Na nhôn băt kơ Sư lăp đon kơ tơdrong jang nhôn.

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

II Tim 1:16

Inh krao khan kơ Kră Yang 'Bok Kei-Dei apinh Sư mơnat kơ hnam dơnŏ Ônêsip yua kơ lơ 'măng boih sư năm hơpong tơ inh, na jơhngơ̆m inh hiôk tơpă. Sư ưh kơ mơlâu kơ đe phak inh ôh.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.

Hêbrơ 13:13

Thoi noh na bĕ bơ̆n năm kiơ̆ Sư tơ jih pơlei iŏk dôm tơdrong kon pơlei hil areh che bơle pơmat Sư sơ̆.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

I Yo 2:23

Bơngai bu achăng tŭk Kon Sư, bơngai 'noh kư̆m achăng tŭk 'Bă Sư mơ̆n. Bơngai bu lui kơ Yêsu Kon 'Bok Kei-Dei, bơngai 'noh kư̆m juăt păng 'Bok Kei-Dei mơ̆n.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.