Markôs 8:33 - Sơ̆p Hlabơar Nơ̆r 'Bok Kei-Dei

³³ Na Yêsu hue lăng tơ lu bơngai pơhrăm păng Sư na khă hloi Pêtrôs: “Ơ Satan, jăk kơ e mă ataih đơ̆ng âu. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Markôs 8:33 Iomraidhean Croise

II Sam 19:22

Đawit khan: “Ơ lu kon drŏ-nglo yă Sêruia, tơdrong inh 'bơm kiơ kơ lu iĕm, na lu iĕm mă oei wă ayăt kơ inh năr 'nâu? Hăm gơh pơlôch minh 'nu bơngai ayơ lăm teh đak Isơrael năr âu ưh? Inh ưh kơ băt năr 'nâu inh pơm pơtao Isơrael hă?”

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Lêwi 19:17

'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

Mathiơ 15:23

Mă-lei Yêsu ưh kơ tơl sư. Na lu bơngai pơhrăm păng Sư khan kơ Sư thoi âu: “Apinh Ih jah tơgŭm sư, na sư jah brŏk, sư kiơ̆ bơ̆n nŏng kơ pơma 'bơ̆r re.”

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Markôs 3:34

Yêsu hue lăng lu bơngai mă oei tăp dăr kơ Sư ei păng khan: “Lu bơngai kiơ̆ âu dang mĕ Inh păng oh Inh mơ̆n.

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Luka 22:61

Na Kră Yang Yêsu hue lăng Pêtrôs, na Pêtrôs 'blŏk hơdơ̆r kơ nơ̆r Kră Yang Yêsu pơma pơkă lê̆ hơdrol hei khan: “Măng kơnh boih hơdrol kơ iĕr wă ŏ ih gô sơngah kơ Inh pêng 'măng.”

Luka 4:8

Na Yêsu khan kơ yang Satan ei thoi âu: “Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Luka 9:55

Na Yêsu hue tơ rŏng khan kơ bre sư: “Bơ̆n ưh kơ pơm kiơ̆ 'nei ôh.”

I Kor 5:5

Na bơ̆n athei pơjao kơ yang Satan ăn tơdrong gleh kơ bơngai mă pơm yoch noh, wă kơ bơngai noh tơbral kơdih tơdrong yoch wă kơ 'Bok Kei-Dei iŏk sư kơplah năr Yêsu jur ning-mônh.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

I Tim 5:20

Bơngai bu pơm yoch tơpă ih athei pơma khă sư 'bơ̆t anăp đe tơpôl lu bơngai lui wă kơ lu bơngai lui kơchăng đon ưh kơ wă pơm yoch thoi bơngai 'noh dơ̆ng.

Tit 1:13

Sư bơtho khan thoi noh trŏ tơpă. Na ih athei khă lu sư 'nĕ pă bơtho tơdrong kư̆ kă, wă kơ lu sư jah lui mă kơjăp.

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.

I Yo 2:15

Iĕm 'nĕ kơ 'mêm dôm tơdrong ala teh âu. Bơngai bu 'mêm kơ tơdrong ala teh âu, bơngai 'noh sư ưh kơ 'mêm kơ 'Bă bơ̆n 'Bok Kei-Dei ôh.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.