Markôs 8:32 - Sơ̆p Hlabơar Nơ̆r 'Bok Kei-Dei

³² Yêsu pơma hơdah tơdrong Sư thoi noh. Na Pêtrôs krao Yêsu weh ataih 'biơ̆ na khan kơ Sư: “Ih 'nĕ kơ pơma thoi noh.”

Markôs 8:32 Iomraidhean Croise

Mathiơ 16:22

Na Pêtrôs krao Yêsu weh ataih 'biơ̆, sư wă khă Yêsu yua kơ Yêsu pơma thoi noh hei. Pêtrôs khan: “Ơ 'Bok, apinh 'Bok Kei-Dei 'nĕ ăn truh kơ Ih tơdrong 'noh.”

Markôs 4:38

Mă-lei Yêsu oei tep akơn tơ rŏng thŏng-nan. Na lu đe ei râu Yêsu păng khan: “Ơ 'Bok Thây, Ih ưh kơ tơchĕng hli kơ bơ̆n lôch hă?”

Luka 10:40

Mathê ưh kơ hiôk ôh yua kơ sư đei tơdrong jang lơ, na sư năm tơ Yêsu khan: “Ơ 'Bok, oh inh tŭk inh jang kơdrô̆ inh gleh dêh, lơliơ ih ưh kơ mơnat kơ inh ôh hă? Athei sư iung tơgŭm inh 'biơ̆.”

Yo 10:24

Kơplah noh lu bơngai Juđê năm akŭm tăp dăr kơ Sư păng jet Sư thoi âu: “Đunh tơpă boih Ih oei chĭt lê̆ đon nhôn gueo sơleng. Dah Ih 'Bok Krist mă 'Bok Kei-Dei wơh wă pơgơ̆r nhôn Ih jah roi kơ nhôn bĕ wă kơ nhôn băt kơ Ih.”

Yo 11:14

Na Yêsu roi tơpăt kơ lu sư: “Lasarơ lôch boih.

Yo 16:25

“Inh bơtho iĕm dôm tơdrong 'noh păng nơ̆r pơtih gia ngăl. Mă ning-mônh kơnh Inh ưh pă bơtho păng nơ̆r pơtih gia boih. Inh gô pơma hơdah hloi gah tơdrong 'Bă Inh.

Yo 16:29

Lu bơngai pơhrăm păng Sư khan: “Dang ei nhôn băt kơ Ih pơma hơdah tôm tơdrong; Ih ưh pă pơma păng nơ̆r pơtih gia boih.

Yo 18:20

Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.