Markôs 8:31 - Sơ̆p Hlabơar Nơ̆r 'Bok Kei-Dei

³¹ Na Yêsu khan kơ lu sư: “Inh Kon Bơngai gô đei tơdrong pơmat-tat. Lu đe kră sek tơlang, lu đe 'bok soi tih, lu 'bok thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch pêng năr đơ̆ng rŏng Inh gô iung arih dơ̆ng.”

Markôs 8:31 Iomraidhean Croise

Horiso 118:22

Tơmo mă thơ̆ mam hnam hŭt lê̆, jing tơmo man 'bơ̆t mum hnam

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Hôsia 6:2

Đơ̆ng rŏng kơ 'bar năr Sư gô pơrih bơ̆n; truh năr mă pêng Sư gô tơiung bơ̆n, na bơ̆n gô arih 'bơ̆t anăp Sư.

Jôna 1:17

Mă-lei Kră Yang hơmet lê̆ ka tih luăn Jôna. Jôna oei lăm klak ka pêng năr pêng măng.

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Mathiơ 21:42

Yêsu jet lu sư: “Tơdrong 'Bok Kei-Dei âu iĕm tam mă đŏk lăng tơpă hă? ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man sư 'bơ̆t mum hnam. Sư pơm thoi noh trŏ tơpă, mă măt bơ̆n lăng kư̆m 'lơ̆ng mơ̆n.’

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Markôs 12:10

Mă tơdrong 'noh kư̆m thoi iĕm đŏk boih đe chih lăm sơ̆p hla bơar tơdrong 'Bok Kei-Dei thoi âu: ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man pơklop sư 'bơ̆t mum hnam.

Luka 17:25

“Mă-lei blŭng-a dang ei Inh gô đei tơdrong anat tơpă 'mơ̆i yua kơ lu bơngai jơhnơr ahrei ưh kơ wă kơ Inh.

Luka 24:26

Đe pơlôch 'Bok Krist thoi noh trŏ tơpă boih, na dang ei Sư iung arih wă tŏk tơ plĕnh ti pơgơ̆r.”

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Yo 2:19

Yêsu khan hloi kơ lu sư thoi âu: “Lei iĕm jah yuih hnam akŭm âu bĕ na Inh gô pơm ming kơtĕch pêng năr keh hloi.”

Jang 7:35

Hơdrol kơ Môis wă jăk sơ̆ đe Isơrael ưh kơ wă kơ Môis na khan thoi âu: ‘Bu athei ih tŏk pơgơ̆r nhôn păng tơdrong sek tơlang kơ nhôn?’ Mă-lei lăp 'Bok Kei-Dei wơh linh jang 'lơ̆ng pơma păng pơm kơ 'long ŭnh sa ei, na 'Bok Kei-Dei ăn kơ Môis pơgơ̆r păng tơdŏng đe Isơrael đơ̆ng dêh Êyiptơ.

I Kor 15:4

Đe 'bŭ Sư; kơtĕch pêng năr Sư iung arih dơ̆ng 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei tơpă.

I Sam 10:19

Mă-lei lu iĕm sơngah kơ Kră Yang 'Bok Kei-Dei lu iĕm, Tơ'ngla mă dŏng pơklaih iĕm đơ̆ng dôm tơdrong pơmat-tat păng hli hlơt; Lu iĕm đei apinh: Ăn kơ nhôn minh 'nu pơtao wă kơ pơgơ̆r lu nhôn! Na dang ei, hơmet bĕ dơ̆ng 'bơ̆t anăp Kră Yang pơrĕng kiơ̆ adrĕch adrung păng kiơ̆ kơtum kơtŏng.

I Sam 8:7

Kră Yang tơl Samuel khan: Ih athei pơm kiơ̆ dôm nơ̆r kon pơlei apinh ih; noh ưh kơ sĭ lu sư sơngah kơ ih ôh, noh lu sư sơngah kơ Inh, ưh kơ wă kơ Inh pơm pơtao wei-lăng pơgơ̆r lu sư dơ̆ng.