Markôs 8:17 - Sơ̆p Hlabơar Nơ̆r 'Bok Kei-Dei

¹⁷ Yêsu băt kơ lu sư pơma gah tơdrong lu sư hiơt kơ chĕp 'bĕng mi, na Yêsu khan kơ lu sư: “Lơliơ iĕm ngêh kơ Inh jô̆ kơ iĕm hiơt kơ chĕp 'bĕng mi? Iĕm ưh tam băt ôh hă Inh gơh pơm 'bĕng mi? Iĕm ưh tam hlôh tơpă dah kiơ? Lơliơ đon iĕm ưh kơ hlôh khŏm khŏm?

Markôs 8:17 Iomraidhean Croise

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Mathiơ 12:15

Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Mathiơ 15:17

Đĭ dôm tơmam sa, bơ̆n sa mơ̆t lăm klak, klaih kơ noh lĕch đĭ.

Mathiơ 16:7

Lu bơngai pơhrăm păng Sư ưh kơ hlôh tơdrong Sư pơma na lu sư tơkhan dih băl: “Sư pơma thoi noh băt Sư jô̆ kơ bơ̆n hiơt kơ chĕp 'bĕng mi kơlĕ.”

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Markôs 2:8

Yêsu băt hloi kơ lu sư pơma mơmơnh lăm đon lu sư, jô̆ kơ Sư tơdrong 'noh, na Yêsu khan kơ lu sư: “Yua kơ kiơ iĕm pơma mơmơnh lăm đon thoi noh lĕ?

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Markôs 6:52

Lu sư ưh kơ pơwao Yêsu gơh pơm tôm tơdrong thoi lĕ kơ 'bĕng mi Sư pơm mă hơdrol hei. Lu sư ưh kơ pơwao kơlih kơ lu sư kơhlôh.

Markôs 8:16

Lu sư ưh kơ hlôh tơdrong Sư pơma na chă pơma băl tơduă lu sư: “Sư pơma thoi noh, Sư jô̆ kơ bơ̆n hiơt kơ chĕp 'bĕng mi kơlĕ?”

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Yo 16:30

Na dang ei nhôn băt kơ Ih, băt tôm tơdrong păng nhôn ưh pă kăl jet Ih dơ̆ng. Thoi noh boih na nhôn lui kơ Ih jur đơ̆ng 'Bok Kei-Dei tơpă.”

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.