Markôs 8:15 - Sơ̆p Hlabơar Nơ̆r 'Bok Kei-Dei

¹⁵ Yêsu khan kơ lu sư: “Iĕm athei kơchăng weh ataih kơ 'buih 'bĕng mi pông đe Pharisi păng 'buih 'bĕng mi pông Hêrôt.”

Markôs 8:15 Iomraidhean Croise

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

Tơdrông Pơđơk 19:27

Ơ dăm, dah ih pơdơh pă mơ̆ng đe bơtho khan noh, Lei pơm kơ ih tơklah ataih đơ̆ng nơ̆r hlôh wao.

Lêwi 2:11

Dôm tơmam soi pơyơ̆r hăm tơpŭng phe 'ba mă lu iĕm pơyơ̆r kơ Kră Yang 'nĕ kơ hrâu hăm 'buih pông; yua kơ iĕm ưh kơ soh 'buih pông hăm đak sut ôh lăm tơmam soi pơyơ̆r soh hăm ŭnh sa wă pơyơ̆r ăn kơ Kră Yang.

Mathiơ 14:1

Kơplah noh pơtao Hêrôt kơtơ̆ng ang tơdrong mơsêh Yêsu. Pơtao Hêrôt kơplah noh sư pơgơ̆r dêh Galilê.

Mathiơ 14:3

Sơ̆ pơtao Hêrôt wơh đe năm rôp chô̆ Yôhan tah tơ lăm hnam phak, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh pơtao Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Mathiơ 14:6

Lăp trŏ năr đe tơpŭ kơ Hêrôt, đe sa et pơrŏ na kon adruh duch Hêrôđia mơ̆t suang tơ anih đe et sa, na pơtao Hêrôt lăp đon dêh.

Mathiơ 16:6

Yêsu khan kơ lu sư: “Iĕm athei kơchăng weh ataih kơ 'buih pông đe Pharisi păng đe Sađusê.”

Markôs 12:13

Lu sư athei 'bar pêng 'nu bơngai khŭl Pharisi păng 'bar pêng 'nu bơngai khŭl pơtao Hêrôt năm tơ Yêsu wă chă tơdrong gơh rôp Sư dah Sư pơma khă gah tơdrong ăn jên thuê̆.

Markôs 8:14

Lu bơngai pơhrăm păng Sư hiơt kơ chĕp 'bĕng mi, lăm thŏng-nan oei pă minh pôm đĕch 'bĕng mi.

Markôs 8:16

Lu sư ưh kơ hlôh tơdrong Sư pơma na chă pơma băl tơduă lu sư: “Sư pơma thoi noh, Sư jô̆ kơ bơ̆n hiơt kơ chĕp 'bĕng mi kơlĕ?”

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

I Tim 6:13

Đĭ-đăng khŭl arih tơ ala teh đơ̆ng 'Bok Kei-Dei ăn arih ngăl. Yêsu Krist pơma 'lơ̆ng tơpăt 'bơ̆t anăp 'bok pơtao Pilat. Na ih oei 'bơ̆t anăp 'Bok Kei-Dei păng Yŏng bơ̆n Yêsu Krist, ih athei kơchăng pơm kiơ̆ dôm tơdrong Sư pơkă kơ bơ̆n. 'Nĕ ăn đe tơplih tơdrong Sư pơkă kơ bơ̆n 'noh. Ih athei wei ling-lang tơ̆p truh năr Yŏng bơ̆n Yêsu Krist jur ning-mônh.

II Tim 2:14

Dôm tơdrong inh bơtho âu ih athei bơtho ăn kơ lu bơngai lui dơ̆ng hŏ păng khan kơ lu sư thoi âu: “'Bok Kei-Dei Sư 'bôh bơ̆n na bơ̆n athei kơchăng hŏ. Bơ̆n 'nĕ pơjah pơjăng kư̆ kă. Bơ̆n pơjah pơjăng thoi noh ưh kơ đei yua kiơ ôh, pơrăm đe đĕch dah bơ̆n pơjah thoi noh.”