Markôs 8:11 - Sơ̆p Hlabơar Nơ̆r 'Bok Kei-Dei

¹¹ Lu bơngai Pharisi năm tơ ei pơjah pơjăng hăm Yêsu. Lu sư apinh Yêsu pơm tơdrong mơsêh đơ̆ng plĕnh ti. Lu sư khan wă kơ băt Yêsu đơ̆ng 'Bok Kei-Dei tơpă dah ưh. Mă tơpă lu sư wă pơlong Yêsu hăm gơh pơm dah ưh.

Markôs 8:11 Iomraidhean Croise

Le 17:2

Thoi noh kon pơlei tơhil hăm Môis khan: Ăn kơ lu nhôn đak nhă bĕ. Môis tơl khan: Liơ mă lu iĕm wă tơhil hăm inh? Liơ lu iĕm wă pơlong lăng Kră Yang lĕ?

Le 17:7

Sư krao anăn anih noh Masaa păng Mêrib yua kơ kon pơlei Isơrael hil jŏk păng pơlong lăng Kră Yang, khan: Hăm đei Kră Yang oei hăm lu bơ̆n ưh?

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”

Mathiơ 12:38

Klaih kơ noh lu thây bơtho tơdrong juăt đe Juđê păng lu khŭl Pharisi apinh Yêsu khan: “Ơ 'Bok Thây, nhôn wă kơ 'bôh Ih pơm tơdrong mơsêh 'mơ̆i na nhôn băt kơ Ih bơngai đơ̆ng 'Bok Kei-Dei.”

Mathiơ 19:3

Đei bơngai Pharisi năm jet pơlong Sư, wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n, bơ̆n achăng akăn tơdrong kiơ kư̆m bưh dah thoi yơ?”

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Mathiơ 22:15

Yêsu pơma tơdrong 'noh hei đang boih, na lu bơngai Pharisi pơđâu băl, lu sư wă jet pơlong Yêsu pơma hăm trŏ kơ tơdrong juăt dah ưh. Dah ưh kơ trŏ, lu sư wă kêng.

Mathiơ 22:18

Yêsu băt kơ lu đe âu wă plơ̆ plĕch kơ Sư, na Sư khan thoi âu: “Ơ lu bơngai 'bơ̆r đak klak ŭnh, yua kơ kiơ iĕm wă jet pơlong Inh?

Mathiơ 22:23

Lu bơngai Juđê mơ'nah lui kơ 'Bok Kei-Dei kiơ̆ tơdrong Sađusê. Lu sư khan kon bơngai lôch ưh kơ iung arih dơ̆ng ôh. Lăm năr noh mơ̆n lu sư năm pơjah pơjăng păng Yêsu na lu sư jet Yêsu thoi âu:

Markôs 12:15

Bơ̆n wă chu ăn dah ưh? Lu sư pơma thoi noh, Yêsu băt kơ lu sư wă plơ̆ plĕch kơ Sư na Sư khan kơ lu sư: “Yua kơ kiơ iĕm wă jet pơlong lăng Inh? Iĕm ăn kơ Inh minh hlak jên iĕm tơ âu wă kơ Inh lăng.”

Markôs 2:16

Na lu 'bok thây bơtho tơdrong juăt đe Juđê gah khŭl đe Pharisi 'bôh Yêsu sŏng sa hơdai lu đe noh, na lu sư jet lu bơngai pơhrăm păng Yêsu: “Kơlih kơ kiơ Yêsu Sư sŏng sa hơdai lu bơngai iŏk jên thuê̆ hăm lu bơngai pơm yoch?”

Markôs 9:16

Yêsu jet lu sư: “Iĕm pơjah pơjăng tơdrong kiơ?”

Luka 10:25

Đei minh 'nu 'bok thây bơtho tơdrong juăt đe Juđê iung jet pơlong lăng Yêsu thoi âu: “Ơ 'Bok Thây, inh pơm thoi yơ wă kơ arih ling-lang?”

Luka 11:16

Đei lu mơ'nah dơ̆ng wă pơlong lăng Sư, athei Sư pơm tơdrong mơsêh mơyang đơ̆ng 'Bok Kei-Dei, mă-lei Yêsu ưh kơ wă pơm ôh.

Yo 4:48

Yêsu khan kơ sư: “Dah Inh ưh kơ pơm tơdrong mơsêh mơyang lei iĕm ưh kơ wă lui kơ Inh ôh.”

Yo 6:30

Lu bơngai tơpôl ei khan: “Lei Ih pơm tơ'bôh kơ nhôn tơdrong mơsêh mơyang Ih bĕ, na nhôn lui kơ Ih. Ih wă pơm kơ nhôn tơdrong mơsêh mơyang kiơ?

Yo 7:48

Bĭ lu bơngai pơm tih, lu bơngai Pharisi, hăm đei hơdai lui kiơ̆ Sư? Ưh kơ đei bu ôh.

Yo 8:6

Lu sư jet thoi noh, lu sư wă pơlong lăng Yêsu, wă kơ Sư pơma ưh kơ trŏ tơdrong juăt đe Juđê, na lu sư wă jâu Yêsu 'bơ̆t anăp đe kră sek tơlang. Mă-lei Yêsu kŭp kơ̆l, ti Sư chih ngôi tơ teh.

Jang 5:9

Pêtrôs khan kơ sư: “Lơliơ ih hơdai wang pôm đon păng klo ih lĕ na biĕm wă pơlong Yang Bơhngol 'Lơ̆ng 'Bok Kei-Dei? To ih lăng deh, lu bơngai mă 'bŭ klo ih, lu sư 'nao wih đơ̆ng 'bŭ sư, dơ̆ng 'bơ̆t 'măng to, lu sư wă tung 'bŭ ih lei-lăi thoi klo ih mơ̆n.”

I Kor 10:9

Bơ̆n 'nĕ pơm pơhloh kơ Kră Yang thoi lu yă 'bok bơ̆n mơ'nah sơ̆, na 'Bok Kei-Dei pơrăm lu sư ăn kơ 'bih choh pơlôch.

Both 6:16

'Nĕ kơ pơlong lăng Kră Yang 'Bok Kei-Dei iĕm, thoi iĕm đei pơlong lăng Sư tơ Masa.