Markôs 7:9 - Sơ̆p Hlabơar Nơ̆r 'Bok Kei-Dei

⁹ “Iĕm athei pơwao lăng bĕ, hăm 'lơ̆ng iĕm pơm thoi noh?

Markôs 7:9 Iomraidhean Croise

Horiso 119:126

Truh boih kơ jơ Kră Yang wă pơm. Yua kơ đei bơngai pơm pơhloh kơ tơdrong juăt Ih

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Markôs 7:13

Iĕm pơjing tơdrong juăt bơtho đe thoi noh, na iĕm jing tŭk tơdrong juăt 'Bok Kei-Dei boih păng iĕm kư̆m pơm lơ tơdrong nai ưh kơ 'lơ̆ng thoi noh mơ̆n.”

Markôs 7:3

Lu bơngai Pharisi păng lu bơngai Juđê kiơ̆ kơ tơdrong juăt lu yă 'bok sư ngăl, dah ưh kơ ôp ti kiơ̆ thoi tơdrong juăt lu sư pơkă, ưh kơ gơh sŏng sa.

Markôs 7:5

Lu bơngai khŭl Pharisi păng lu 'bok thây noh jet Yêsu: “Yua kơ kiơ lu bơngai pơhrăm păng Ih ưh kơ kiơ̆ tơdrong juăt yă 'bok bơ̆n pơkă sơ̆, lu sư sŏng sa ưh kơ ôp ti?”

Rom 3:31

Thoi noh boih, mă-lei bơ̆n hăm wă hŭt lê̆ tơdrong juăt 'Bok Kei-Dei pơkă sơ̆? Ưh ôh, bơ̆n kư̆m oei kiơ̆ mơ̆n, bơ̆n lui kơ Yêsu 'mơ̆i na bơ̆n kĕ kiơ̆ tơdrong juăt Sư pơkă noh.

II Kor 11:4

Yua kơ inh băt kơ iĕm bơngai 'bônh kơ put đe, inh hli kơ đe bơtho iĕm tơdrong Yêsu Krist ưh pă thoi inh bơtho, mă iĕm wă lui hloi; đe bơtho iĕm tơdrong nai, ưh kơ thoi tơdrong Yang Bơhngol 'Lơ̆ng bơtho mă iĕm sơng iŏk sơ̆, mă iĕm wă mơ̆ng hloi; đe khan wă bơtho iĕm tơdrong 'nao 'lơ̆ng mă tơdrong noh ưh pă thoi iĕm lui sơ̆, mă iĕm wă chu hloi.

Galati 1:14

Inh kiơ̆ tơdrong juăt bơngai Juđê sơ̆, iung lu jơhnơr nhôn pôm inh jang kơtang hloh kơ lu sư. Inh adrin tơpă kiơ̆ tơdrong juăt lu yă 'bok nhôn sơ̆.

Galati 2:21

Dah 'Bok Kei-Dei jô̆ bơ̆n bơngai 'lơ̆ng tơpăt hăm Sư yua kơ bơ̆n lui kiơ̆ tơdrong juăt Môis đĕch, lei Yêsu Krist lôch tang bơ̆n tơ 'long pơglang noh ưh kơ yua kiơ ôh kơ bơ̆n. Gah inh, inh băt tơpă 'Bok Kei-Dei jô̆ inh bơngai 'lơ̆ng tơpăt hăm Sư yua kơ Kon Sư lôch tang yua kơ tơdrong yoch inh.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”