Markôs 7:4 - Sơ̆p Hlabơar Nơ̆r 'Bok Kei-Dei

⁴ Rim lu sư wih đơ̆ng kơchơ, dah ưh kơ 'nhao, kư̆m ưh kơ gơh kơ sŏng sa. Păng lu sư kư̆m kiơ̆ lơ tơdrong juăt nai mơ̆n. Lu sư ling-lang 'nhao kơchŏk, 'nhao gŏ teh, 'nhao gŏ kong, kiơ̆ kơ tơdrong juăt lu sư pơkă.

Markôs 7:4 Iomraidhean Croise

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Êsai 1:16

Hum hơrao bĕ mă rơgoh! 'Bơ̆t anăp Inh lu iĕm athei hŭt lê̆ đĭ dôm tơdrong kơnê̆. 'Nĕ pă pơm tơdrong kơnê̆ dơ̆ng.

Je 35:5

Inh hơmet lu get 'bĕnh kơ sik hơmu păng kơchŏk dan 'bơ̆t anăp lu bơngai Rêkap; păng khan kơ lu sư: “Huch sik âu bĕ!”

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Mathiơ 23:25

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm hăt hot kơ ôp pơnhan hăm kơchŏk hơdrol kơ sŏng sa, khan trŏ tơdrong juăt 'Bok Kei-Dei, mă-lei tơmam sa iĕm lăm pơnhan hăm kơchŏk đak iĕm noh iĕm tơgar iŏk đơ̆ng đe.

Mathiơ 23:26

Ơ bơngai Pharisi, dang kơ măt tol, iĕm 'nĕ pă tơgar iŏk dôm tơmam sa đe 'mơ̆i, na 'Bok Kei-Dei 'bôh tơdrong iĕm ôp bơ̆n pơnhan bơ̆n kơchŏk noh 'lơ̆ng.

Mathiơ 27:24

Pilat pă kĕ pơjah pơjăng thoi yơ boih, yua kơ 'bơ̆r kon pơlei pơla re rai dêh, na Pilat sŏ đak ôp ti sư kơdih 'bơ̆t anăp đe tơpôl păng khan: “Inh ưh kơ wă pơlôch ôh bơngai âu, iĕm đĕch wă pơlôch.”

Markôs 7:8

Yêsu khan dơ̆ng: “Iĕm tŭk tơdrong juăt 'Bok Kei-Dei pơkă na kiơ̆ kơ tơdrong kon bơngai.

Yo 2:6

Lăm hnam ei đei tơdrâu tŏ ge mong đak. Lu bơngai Juđê juăt iŏk đak đơ̆ng ge ei hơrao jơ̆ng ti kiơ̆ kơ tơdrong juăt lu sư. Rim tŏ ge ei gơh mong đak dang pơđăm gŏ 'bei.

Yo 3:25

Na đei minh 'nu bơngai Juđê năm tơ lu bơngai pơhrăm păng Yôhan pơjah pơjăng păng sư gah tơdrong pơm kơ đe 'batem.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.