Markôs 7:3 - Sơ̆p Hlabơar Nơ̆r 'Bok Kei-Dei

³ Lu bơngai Pharisi păng lu bơngai Juđê kiơ̆ kơ tơdrong juăt lu yă 'bok sư ngăl, dah ưh kơ ôp ti kiơ̆ thoi tơdrong juăt lu sư pơkă, ưh kơ gơh sŏng sa.

Markôs 7:3 Iomraidhean Croise

Markôs 7:13

Iĕm pơjing tơdrong juăt bơtho đe thoi noh, na iĕm jing tŭk tơdrong juăt 'Bok Kei-Dei boih păng iĕm kư̆m pơm lơ tơdrong nai ưh kơ 'lơ̆ng thoi noh mơ̆n.”

Markôs 7:5

Lu bơngai khŭl Pharisi păng lu 'bok thây noh jet Yêsu: “Yua kơ kiơ lu bơngai pơhrăm păng Ih ưh kơ kiơ̆ tơdrong juăt yă 'bok bơ̆n pơkă sơ̆, lu sư sŏng sa ưh kơ ôp ti?”

Luka 11:38

Bơngai Pharisi ei 'bôh Yêsu ưh kơ ôp ti hơdrol kơ sa kiơ̆ thoi tơdrong juăt đe Juđê pơkă na bơngai Pharisi ei chrêu kơ đon.

Yo 2:6

Lăm hnam ei đei tơdrâu tŏ ge mong đak. Lu bơngai Juđê juăt iŏk đak đơ̆ng ge ei hơrao jơ̆ng ti kiơ̆ kơ tơdrong juăt lu sư. Rim tŏ ge ei gơh mong đak dang pơđăm gŏ 'bei.

Galati 1:14

Inh kiơ̆ tơdrong juăt bơngai Juđê sơ̆, iung lu jơhnơr nhôn pôm inh jang kơtang hloh kơ lu sư. Inh adrin tơpă kiơ̆ tơdrong juăt lu yă 'bok nhôn sơ̆.

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

I Pet 1:18

Iĕm băt boih 'Bok Kei-Dei huai iŏk iĕm bơngai kư̆ kă, bơngai ưh kơ yua, iĕm juăt kơ pơm rok lu yă 'bok iĕm sơ̆. Mă-lei Sư ưh kơ huai iŏk iĕm hăm tơmam hiong răm thoi lĕ kơ hu maih ôh.