Markôs 7:26 - Sơ̆p Hlabơar Nơ̆r 'Bok Kei-Dei

²⁶ Bơngai drŏ-kăn ei bơngai Sirôphênis, tơring Tirơ, pơma nơ̆r Grĕk. Sư apinh Yêsu pơpuh yang kơnê̆ lĕch đơ̆ng kon sư.

Markôs 7:26 Iomraidhean Croise

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Markôs 7:25

Tơ tơring ei đei minh 'nu bơngai drŏ-kăn đei kon adruh 'lơ̆p yang kơnê̆ mơ̆t. Na sư kơtơ̆ng ang đe khan Yêsu truh tơ tơring sư. Na sư năm 'nap 'bơ̆t anăp Yêsu.

Markôs 7:27

Na Yêsu khan kơ sư: “Inh athei tơgŭm lu bơngai Juđê 'mơ̆i yua kơ lu sư dang kon Inh. Dah Inh tơgŭm ih bơngai tơmoi hơdrol, lei noh dang Inh klơ̆m tơmam sa kon Inh ăn kơ kŏ sa.”

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.