Markôs 7:24 - Sơ̆p Hlabơar Nơ̆r 'Bok Kei-Dei

²⁴ Đơ̆ng noh Yêsu năm tơ tơring Pơlei Tirơ. Tơ ei Sư mơ̆t tơ hnam đe, kuă ăn tơring ei băt ră, mă-lei đe kư̆m oei băt kơ Sư.

Markôs 7:24 Iomraidhean Croise

Bl 10:15

Kanaan pơjing Siđôn, kon drŏ-nglo kơdră sư păng Hêt.

Bl 10:19

Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

Bl 49:13

Sabulôn oei tơ cheng dơsĭ. Noh jơ̆ anih duk dơ̆ng pơdơh; Bơnơ̆ hơdral sư tơklă tơ Siđôn.

Êsai 23:12

Sư khan: “Ơ kon adruh 'nao iung pơlei Siđôn mă đe tơrôp bơih, ih ưh pă đei chơt hiôk dơ̆ng bơih, iung bĕ ih yak năm tơ dêh Kitim, tơ noh ih kư̆m ưh kơ đei pơdơh hiôk ôh!

Êsai 42:2

Sư ưh kơ ôr pơret, kư̆m ưh kơ pơma re, ưh kơ ăn kơ đe kơtơ̆ng nơ̆r sư tơ rok trong pơlei.

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Mathiơ 9:28

Lăp Yêsu mơ̆t tơ hnam, bre sư kư̆m mơ̆t kiơ̆ mơ̆n. Na Yêsu jet bre sư khan: “Biĕm hăm lui kơ Inh gơh pơklaih biĕm?” Bre sư khan: “Lui.”

Markôs 2:1

Lăp 'bar pêng năr đơ̆ng rŏng dơ̆ng, Yêsu wih tơ Pơlei Kapernum na đe kơtơ̆ng ang Sư oei hnam,

Markôs 7:23

Tôm tơdrong kơnê̆ noh lĕch đơ̆ng jơhngơ̆m đon kon bơngai ngăl. Dôm tơdrong kơnê̆ noh boih pơm kơ kon bơngai jing yoch.”

Markôs 7:25

Tơ tơring ei đei minh 'nu bơngai drŏ-kăn đei kon adruh 'lơ̆p yang kơnê̆ mơ̆t. Na sư kơtơ̆ng ang đe khan Yêsu truh tơ tơring sư. Na sư năm 'nap 'bơ̆t anăp Yêsu.

Markôs 7:31

Klaih kơ noh Yêsu năm đơ̆ng tơring Tirơ drong tơ tơring Siđôn păng tơring Đêkapôlis na wih tơ đak dơsĭ Galilê.

I Tim 5:25

Lei-lăi thoi noh mơ̆n, đei lu bơngai pơm 'lơ̆ng tơpăt bơ̆n kư̆m 'bônh kơ 'bôh tơdrong 'lơ̆ng sư mơ̆n. Phŏ phŏ tơdrong 'lơ̆ng sư pơm ưh kơ 'bôh dang ei, mă-lei ning-mônh bơ̆n kư̆m 'bôh.