Markôs 7:22 - Sơ̆p Hlabơar Nơ̆r 'Bok Kei-Dei

²² sư kơtrŏ păng akăn đe, sư 'nhĕng đe, sư pơm tôm tơdrong kơnê̆, sư pơma plơ̆ plĕch hơlĕnh pơdăr, sư pơma bâu roi đe, sư pơang akâu kơdih, sư pơm tôm tơdrong glăi răm.

Markôs 7:22 Iomraidhean Croise

II Ho 32:31

Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Horiso 119:36

Apinh ăn kơ jơhngơ̆m inh tơchĕng kơ tơdrong juăt Ih. 'Nĕ ăn kơ inh tơchĕng kơ tơdrong lơi kơdih akâu.

Tơdrông Pơđơk 12:23

Bơngai hơgei wei ôn nơ̆r bơ̆n hlôh wao, Gah bơngai kơhlôh tơ'bôh hloi bơ̆n kơwao.

Tơdrông Pơđơk 22:15

Tơdrong kơtul kơhlôh 'bôh oei chô̆ jơhngơ̆m lu hơ'lơ̆p. Mă-lei đei yua 'long teh bơtho tơdrong kơtul lĕch tơ ataih kơ sư.

Tơdrông Pơđơk 23:6

'Nĕ sa tơmam lu bơngai kret tơsen; 'Nĕ kơ ham sa tơmam 'băt 'lơ̆ng đơ̆ng sư.

Tơdrông Pơđơk 24:9

Tơdrong tơchĕng wă pơm lĕch đơ̆ng kơhlôh kơwao noh yoch. Bơngai juăt kơ hiap đe areh dêh.

Tơdrông Pơđơk 27:22

Mă ih iŏk hơdrei peh hrol lu bơngai kơhlôh kơwao lăm tơpăl, hăm 'ba. Tơdrong kơhlôh kơwao sư oei ưh kơ tơkloh đơ̆ng sư ôh.

Tơdrông Pơđơk 28:22

Bơngai bu kret ham, pơnam chă wă kơ mơdrŏng, Gah rŏng ưh kơ băt tơdrong kơ'bah gô truh kơ sư.

Bôk Bơthô 7:25

Inh adrin chơchă đĭ jơhngơ̆m wă kơ băt, hơlen wă kơ 'bôh tơdrong hơgei, wă kơ gơh tơlang tôm tơdrong, inh đei 'bôh tơdrong kơnê̆ noh lĕch đơ̆ng tơdrong kơtul kơwao na jing wơnh.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Êsai 59:7

Jơ̆ng lu sư kơdâu năm wă pơm tơdrong kơnê̆, hăt hot pơlôch bơngai ưh kơ đei tơdrong yoch; đon lu sư tơchĕng jơ̆ hơlĕnh pơdăr, lu sư ba tơdrong pơrăm păng pơchah pơchek đĭ rok trong gơlong lu sư yak.

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Mathiơ 20:15

Tơdrong noh inh hơlăng kơ sư đĕch, ih 'nĕ pă 'nhĕng.’ ”

Mathiơ 6:23

Dah măt bơ̆n hưch hanh tơdrong ala teh đĕch lei măt bơ̆n dang tol, tôm tơdrong akâu bơ̆n jang kư̆m ưh kơ 'lơ̆ng, dang bơ̆n oei lăm măng mu đĕch.

Markôs 7:21

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơm pơyô kư̆ kă, sư tơtông, sư pơlôch đe,

Markôs 7:23

Tôm tơdrong kơnê̆ noh lĕch đơ̆ng jơhngơ̆m đon kon bơngai ngăl. Dôm tơdrong kơnê̆ noh boih pơm kơ kon bơngai jing yoch.”

II Kor 10:5

păng dôm tơdrong ưh kơ 'lơ̆ng, ưh kơ trŏ đon kon bơngai tơchĕng, tơdrong lu sư wă pơgăn tơdrong 'Bok Kei-Dei. Nhôn athei lu sư chu yom kơ Yêsu Krist lăm tôm tơdrong.

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

Both 28:54

Kơplah đei lu ayăt wang tơ pơlei, pơm kơ iĕm tôch đon đĭ boih, bơngai drŏ-nglo mă 'lơ̆ng, iơ̆m dim hloh lăm lu iĕm gô jing kret kơ 'nhŏng oh sư, kon akăn sư mă oei arih.

Both 28:56

Bơngai drŏ-kăn 'lơ̆ng hloh lăm lu iĕm, bơngai mă ưh kơ lah jur jơ̆ng sư tơ teh ôh. Sư bơngai iơ̆m dim, gơh găt, mă-lei gô kret kơ klo sư mă hưch wă păng kơ kon drŏ-nglo kon drŏ-kăn sư,

I Pet 2:15

'Bok Kei-Dei wă kơ bơ̆n pơm 'lơ̆ng ling-lang, thoi noh na lu bơngai ưh kơ hlôh pơŏm 'bơ̆r huay pă pơma kơ bơ̆n dơ̆ng.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.