Markôs 7:19 - Sơ̆p Hlabơar Nơ̆r 'Bok Kei-Dei

¹⁹ Mă tơmam sa kiơ mơ̆t lăm klak kon bơngai ưh kơ sĭ mơ̆t lăm jơhngơ̆m sư pơm kơ sư jing yoch ôh. Tơmam sa mơ̆t lăm klak klaih kơ noh lĕch đĭ.” Thoi noh bơ̆n băt tôm kơ tơmam sa kiơ̆ kơ Yêsu khan tơmam sa rơgoh 'lơ̆ng ngăl ưh kơ đei giĕng kơ sa ôh.

Markôs 7:19 Iomraidhean Croise

Mathiơ 15:17

Đĭ dôm tơmam sa, bơ̆n sa mơ̆t lăm klak, klaih kơ noh lĕch đĭ.

Markôs 7:18

Na Yêsu khan kơ lu sư: “Tơdrong pơtih gia 'noh hei iĕm kư̆m ưh kơ hlôh mơ̆n hă? Tơmam sa đơ̆ng 'ngoaih mơ̆t lăm klak kon bơngai ưh kơ gơh pơm kơ kon bơngai yoch ôh.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Jang 10:15

Na Pêtrôs kơtơ̆ng dơ̆ng thoi âu: “Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.”

Jang 11:9

Na inh kơtơ̆ng nơ̆r đơ̆ng plĕnh pơma dơ̆ng: ‘Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.’

I Kor 6:13

Tơpă mơ̆n 'Bok Kei-Dei pơjing tơmam sa wă 'me klak bơ̆n, 'Bok Kei-Dei pơjing klak bơ̆n wă mong tơmam sa, mă-lei ning-mônh sư wă pơrăm đĭ 'bar anăn 'noh, kơlih kơ ưh pă yua boih năr noh kơnh. Mă-lei gah akâu bơ̆n ưh kơ sĭ 'Bok Kei-Dei pơjing akâu bơ̆n wă kơ bơ̆n ngôi pơyô kư̆ kă ôh. Sư pơjing akâu bơ̆n wă kơ bơ̆n jang tơdrong Yŏng bơ̆n Yêsu Krist na Yŏng bơ̆n wei-lăng akâu bơ̆n.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.