Markôs 7:15 - Sơ̆p Hlabơar Nơ̆r 'Bok Kei-Dei

¹⁵ Dôm lu tơmam sa kon bơngai sa, ưh kơ đei pơm kơ kon bơngai jing yoch ôh. Tơdrong pơm yoch noh lĕch đơ̆ng jơhngơ̆m kon bơngai na kon bơngai jing yoch.

Markôs 7:15 Iomraidhean Croise

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Mathiơ 15:16

Yêsu khan kơ lu sư: “Iĕm kư̆m ưh kơ hlôh ôh hă?

Markôs 7:14

Na Yêsu krao đĭ bơngai kiơ̆ ei năm tơ Sư păng khan: “Đĭ kơ iĕm mơ̆ng Inh păng pơwao kơdih.

Markôs 7:16

Bu đei đon athei tơchĕng kơdih bĕ.”

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

I Kor 10:25

Tơdah iĕm năm tơ kơchơ wă răt 'nhĕm sa, iĕm 'nĕ apinh bơngai mă tĕch 'nhĕm 'noh: “'Nhĕm ih hăm sơmah ưh?” Iĕm kư̆ kơ răt đĕch,

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.