Markôs 6:8 - Sơ̆p Hlabơar Nơ̆r 'Bok Kei-Dei

^8-9 Na Sư athei lu sư năm 'nĕ kơ anhăk tơmam sa, 'nĕ kơ anhăk kơdŭng tah tơmam, 'nĕ kơ chĕp ba jên. Sư ăn chĕp tŏ 'long jra đĕch păng trô̆ chơkhŏ, hrŭk ao minh blah đĕch.

Markôs 6:8 Iomraidhean Croise

Luka 10:4

Iĕm 'nĕ kơ chĕp ba kơdŭng tah jên dah kơdŭng bĕng păng 'nĕ kơ chĕp hiă chơkhŏ săng-đal. Iĕm 'nĕ kơ hiơ̆ kơ pơma dơnuh kơ đe rok trong.

Luka 22:35

Na Yêsu khan kơ lu sư dơ̆ng: “Sơ̆ Inh wơh iĕm năm chă bơtho đe, na Inh khan kơ iĕm 'nĕ kơ chĕp ba jên, mă kơdŭng tah tơmam, dah chơkhŏ, na iĕm hăm kơ'bah kơ tơdrong kiơ ưh sơ̆?” Lu sư tơl: “Nhôn ưh kơ đei kơ'bah tơdrong kiơ ôh sơ̆.”

Luka 9:3

Yêsu khan thoi âu: “Iĕm năm bơtho 'nĕ kơ chĕp ba tơmam kiơ kiơ. Iĕm 'nĕ kơ chĕp ba 'long jra, kư̆m 'nĕ kơ chĕp ba kơdŭng tah tơmam păng tơmam sa, mă jên. Păng iĕm hrŭk ba ao minh blah đĕch.