Markôs 6:6 - Sơ̆p Hlabơar Nơ̆r 'Bok Kei-Dei

⁶ Yêsu lăng hlĭch yua kơ đe ưh kơ wă lui kơ Sư. Na Sư năm chă bơtho tơ lu pơlei jơjê̆ kiơ̆ pơlei Sư ei.

Markôs 6:6 Iomraidhean Croise

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Mathiơ 9:35

Yêsu năm chă bơtho tơ rim pơlei tih iĕ, tơ lăm hnam akŭm, bơtho gah tơdrong 'nao 'lơ̆ng 'Bok Kei-Dei wă pơgơ̆r bơ̆n. Păng Sư pơklaih rah dôm tơdrong jĭ jăn kon pơlei pơla pơmat-tat.

Markôs 1:39

Na Sư năm jơ̆p kơ dêh Galilê chă bơtho tơ lu hnam akŭm 'Bok Kei-Dei păng pơpuh lu yang kơnê̆ đơ̆ng lăm akâu bơngai mơ̆n.

Markôs 10:1

Yêsu năm đơ̆ng Pơlei Kapernum ei mơ̆t brih lăm dêh Juđê păng hơloh năm hloi tơ dêh pah to krong Jôrđăn. Tơ ei đei lơ bơngai năm akŭm tơ Sư dơ̆ng, na Sư bơtho đe kư̆m thoi krô hmă.

Luka 13:22

Yêsu năm tơ Pơlei Jêrusalem, Sư drong bơtho rah pơlei đe kiơ̆ trong Sư yak tơ ei.

Luka 4:31

Klaih kơ noh Yêsu năm tơ Pơlei Kapernum lăm dêh char Galilê ei mơ̆n. Na kơplah năr pơdơh Sa'bat Sư bơtho kon pơlei pơla tơ noh.

Luka 4:44

Na Yêsu năm chă bơtho jơ̆p kơ hnam akŭm dêh char Galilê.

Yo 9:30

Bơngai đêl măt tol ei khan dơ̆ng: “Inh mah chrêu kơ đon tơpă! Sư pơklaih măt inh mah 'bôh hơdah boih, mă-lei iĕm khan ưh kơ băt Sư bơngai đơ̆ng yơ.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.