Markôs 6:41 - Sơ̆p Hlabơar Nơ̆r 'Bok Kei-Dei

⁴¹ Sư iŏk pơđăm tŏ 'bĕng mi păng 'bar hlak ka ei, ngoi tơ plĕnh krao khan bơnê kơ 'Bă Sư 'Bok Kei-Dei, na phĕ hloi 'bĕng mi ei ăn kơ lu bơngai pơhrăm păng Sư chă asong kơ lu bôl buăl. Sư kư̆m phĕ asong 'bar hlak ka ei wă kơ bôl buăl sa.

Markôs 6:41 Iomraidhean Croise

Mathiơ 14:19

Yêsu athei đĭ-đăng lu bơngai tơpôl ei tơoei kơpal 'nhĕt. Klaih kơ noh Sư iŏk pơđăm tŏ 'bĕng mi păng 'bar hlak ka ei ngoi tơ plĕnh krao khan bơnê kơ 'Bă Sư 'Bok Kei-Dei, na phĕ 'bĕng mi ăn kơ lu bơngai pơhrăm păng Sư chă asong kơ bôl buăl.

Mathiơ 15:36

Yêsu iŏk tơpơh tŏ 'bĕng mi păng 'bar pêng găr ka noh, krao khan bơnê kơ 'Bă Sư 'Bok Kei-Dei, phĕ hloi 'bĕng mi păng ka noh ăn kơ lu bơngai pơhrăm păng Sư chă asong kơ lu bơngai tơpôl ei.

Mathiơ 26:26

Kơplah lu sư sŏng sa, Yêsu iŏk 'bĕng mi krao khan bơnê kơ 'Bok Kei-Dei na phĕ hloi 'bĕng mi noh asong kơ lu sư păng khan: “Iŏk sa 'bĕng âu bĕ, 'bĕng âu boih akâu Inh.”

Markôs 14:22

Kơplah lu sư sŏng sa Yêsu iŏk 'bĕng mi krao khan bơnê kơ 'Bok Kei-Dei na phĕ hloi 'bĕng mi noh asong kơ lu sư păng khan: “Iŏk sa 'bĕng âu bĕ, 'bĕng âu boih akâu Inh.”

Markôs 6:40

Lu đe ei tơoei minh jơ'bôt minh-hrĕng, minh jơ'bôt phŏ pơđăm-jĭt.

Markôs 6:42

Đĭ-đăng lu sư sa phĭ mah rơkah rơkai boih.

Markôs 7:34

Klaih kơ noh Yêsu ngoi tơ plĕnh na tơhôih hăm khan kơ bơngai ei păng nơ̆r Juđê: “Eppatha” wă khan: “Đon ih hơbăng boih.”

Markôs 8:19

Inh iŏk 'bĕng mi pơđăm tŏ, phĕ asong kơ pơđăm-rơbâu 'nu bơngai, iĕm dônh 'bĕnh rơkah tah dôm tŏ bai?” Lu sư khan: “Rơkah mơjĭt-'bar tŏ bai.”

Luka 24:30

Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Luka 9:16

Na Yêsu iŏk pơđăm tŏ 'bĕng mi păng 'bar tŏ ka ei, ngoi tơ plĕnh krao khan bơnê kơ 'Bă Sư 'Bok Kei-Dei. Đơ̆ng noh Sư phĕ 'bĕng mi păng ka ei ăn kơ lu bơngai pơhrăm păng Sư chă asong kơ lu bôl buăl.

Yo 11:41

Lu sư pơih tơnglơ̆p tơmo ei. Na Yêsu ngoi tơ plĕnh krao khan kơ 'Bă Sư: “Ơ 'Bă, Inh bơnê kơ Ih kơlih kơ Ih mơ̆ng Inh krao khan kơ Ih boih.

Yo 17:1

Đang kơ Yêsu pơma thoi noh boih na Sư ngoi tơ plĕnh krao khan kơ 'Bă Sư: “Ơ 'Bă, truh jơ Inh boih. Apinh Ih atŏk Inh Kon Ih brŏk oei păng Ih bĕ dang ei wă kơ Inh gơh pơư pơang anăn Ih dơ̆ng.

Yo 6:11

Klaih kơ noh Yêsu iŏk pơđăm tŏ 'bĕng mi ei krao khan bơnê kơ 'Bok Kei-Dei hơdrol, đơ̆ng noh asong kơ lu bơngai tơpôl oei lăm ei. Ka sư kư̆m asong lei-lăi thoi noh mơ̆n. Lu đe ei iŏk sa gô mơ̆ng kơ lu sư wă sa.

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

Jang 27:35

Hlôi kơ pơma thoi noh, Pôl iŏk 'bĕng mi, krao khan bơnê kơ 'Bok Kei-Dei 'bơ̆t anăp đĭ-đăng lu sư, na phĕ hloi 'bĕng mi ei sa.

Rom 14:6

Bơngai mă oei kiơ̆ rim kơ năr giĕng, yua kơ sư 'mêm kơ 'Bok Kei-Dei na sư oei kiơ̆. Na tơdrong sa 'nhĕm 'nhot kư̆m thoi noh; bơngai mă tơchĕng gơh sa sư kư̆m 'mêm kơ 'Bok Kei-Dei mơ̆n; bơngai mă tơchĕng khan giĕng kơ sa, sư kư̆m 'mêm kơ 'Bok Kei-Dei. Bơngai mă gơh sa sư băt tôm tơdrong tơmam sa 'Bok Kei-Dei pơjing wă ăn kơ kon bơngai sa na sư bơnê kơ 'Bok Kei-Dei. Bơngai mă giĕng kơ sa sư kư̆m lei-lăi, sư giĕng kơ sa yua kơ sư wă kơkuh kơ 'Bok Kei-Dei na sư kư̆m bơnê kơ 'Bok Kei-Dei mơ̆n.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

Both 8:10

Mưh iĕm sŏng sa phĭ mah rơkah rơkai, iĕm gô bơnê ư-ang kơ Kră Yang 'Bok Kei-Dei iĕm, yua kơ teh đak 'lơ̆ng mă đơ̆ng Sư ăn boih kơ iĕm.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

I Sam 9:13

Mưh mơ̆t lăm pơlei, măr iĕm tơ'bơ̆p sư ngei adrol kơ sư năm tơ groi wă et sa. Kon pơlei ưh kơ et sa ôh adrol kơ sư truh, yua kơ sư gô sơkat ăn pŭn hiôk kơ tơmam soi; đang bơih, na đe năm akŭm ei gơh et sa. Năm bĕ măr iĕm, măr iĕm gô tơ'bơ̆p sư.