Markôs 6:4 - Sơ̆p Hlabơar Nơ̆r 'Bok Kei-Dei

⁴ Yêsu khan kơ lu đe ei: “Lu bơngai pơtruh nơ̆r 'Bok Kei-Dei sơ̆, mưh tơ pơlei đe, đei lơ bơngai lăp đon 'maih mơ̆ng dôm nơ̆r sư bơtho dêh. Mă-lei lu bơngai oei pôm pơlei hăm lu sư, kơtum lu sư, hnam dơnŏ lu sư, ưh kơ 'maih wă mơ̆ng tơdrong sư bơtho ôh. Na truh tơ Inh dang ei kư̆m lei-lăi.”

Markôs 6:4 Iomraidhean Croise

Je 11:21

“Thoi noh Kră Yang khan gah kon pơlei Anathôt lu bơngai chơchă wă pơlôch ih khan: ‘Ih 'nĕ pă khan lê̆ adrol hăm anăn Kră Yang, dah ưh kơ chu ih gô lôch kơ ti nhôn.’

Je 12:6

Lu 'nhŏng oh ih adrĕch adrung 'bă ih, mă lu sư kư̆m jreo tơkĕch wă pơm kơ ih. 'Nĕ kơ gơnang kơ lu sư, mă khan lu sư pơma hiôk hăm ih ră.

Mathiơ 13:57

Lu đe noh 'nhĕng Sư hơgei na jing kuă lui kơ Sư. Yêsu khan kơ lu sư: “Lu bơngai pơtruh nơ̆r 'Bok Kei-Dei sơ̆, mưh tơ pơlei đe, lơ bơngai lăp đon 'maih mơ̆ng dêh dôm nơ̆r lu sư bơtho. Mă-lei lu bơngai oei pôm pơlei hăm lu sư, hnam dơnŏ lu sư, ưh kơ 'maih wă mơ̆ng tơdrong bơtho ôh. Na truh tơ Inh dang ei kư̆m lei-lăi.”

Markôs 6:1

Yêsu đơ̆ng noh brŏk tơ pơlei Sư kơdih, lu bơngai pơhrăm păng Sư kiơ̆ Sư mơ̆n.

Luka 4:24

Na Yêsu khan dơ̆ng kơ lu sư thoi âu: “Inh khan kơ iĕm tơpă, lu bơngai pôm pơlei hăm bơngai pơtruh nơ̆r 'Bok Kei-Dei, lu sư ưh kơ wă sơng iŏk sư ôh.

Yo 4:44

Yêsu khan thoi âu: “Lu bơngai pơtruh nơ̆r 'Bok Kei-Dei thoi Inh âu, lu bơngai pôm tơring păng sư ưh kơ wă chu yom kơ sư, lu bơngai tơring nai dơ̆ng chu yom kơ sư. Na Inh kư̆m thoi noh mơ̆n.”