Markôs 6:34 - Sơ̆p Hlabơar Nơ̆r 'Bok Kei-Dei

³⁴ Lăp Yêsu jur đơ̆ng thŏng-nan, Sư 'bôh lơ bơngai tơpă gô Sư tơ anih 'noh. Na Sư mơnat dêh kơ lu bơngai tơpôl 'noh yua kơ lu bơngai tơpôl 'noh thoi lĕ triu ưh kơ đei bơngai wei-lăng. Na Sư bơtho lu đe ei lơ tơdrong.

Markôs 6:34 Iomraidhean Croise

I Pot 22:17

Mikai khan: “Inh 'bôh đĭ-đăng bơngai Isơrael tơklah tơklang jơ̆p kơ kông kŏ thoi triu ưh kơ đei bơngai wei; păng Kră Yang khan: ‘Lu sư ưh kơ đei tơ'ngla, rim 'nu kơ lu sư athei brŏk tơ hnam kơdih hăm tơdrong hiôk-hian.’ ”

II Ho 18:16

Mikaia tơl: “Inh 'bôh lu bơngai Isơrael tơklah tơklang tơ kơpal kông groi thoi khŭl triu mă ưh kơ đei bơngai wei; păng Kră Yang đei khan: ‘Lu bơngai noh ưh kơ đei tơ'ngla, lê̆ lu sư wih brŏk tơ hnam lu sư kơdih hiôk-hian bĕ.’ ”

Êsai 13:14

Kơplah ei kơnh rim 'nu nhen thoi kơtŏng đe druh prah, thoi khŭl triu ưh kơ đei bơngai wei, lu sư gô brŏk tơ kon pơlei sư kơdih, gô kơdâu klĕnh brŏk tơ dêh sư kơdih.

Je 50:6

Kon pơlei Inh thoi khŭl triu lôch hiong boih; Lu bơngai wei triu ba lu sư wơ̆l jrok, Achăng lê̆ lu sư jrok kơpal kông, lu sư chă sa đơ̆ng kông păng tơ groi, Pă băt boih trong wih tơ hơdrong kơdih.

Êsêkiên 34:5

Yua kơ ưh kơ đei bơngai bơwei, kon triu tơklah tơklang, lu sư tơklah tơklang jing tơmam sa lu sem bri.

Sa 10:2

Yua kơ lu rup man chă pơma pơhlŭ lu pơjâu 'bôh hơlĕnh đĕch; lu sư roi tơdrong lu sư hơpo hơlĕnh, sư pơlung ngôi đĕch ưh kơ đei yua kiơ. Thoi noh na kon pơlei tơklah tơklang thoi triu, đe pơmat lu sư yua kơ ưh pă đei bơngai wei.

Jo 27:17

Wă kơ bơngai noh mơ̆t lĕch năm 'bơ̆t anăp lu sư, wă kơ bơngai noh chông ba lu sư mơ̆t păng chông ba lu sư lĕch, wă kơ khŭl akŭm Kră Yang huay kơ thoi triu ưh kơ đei bơngai wei.

Mathiơ 14:14

Lăp Yêsu jur đơ̆ng thŏng-nan Sư 'bôh lơ bơngai kiơ̆ Sư na Sư mơnat dêh kơ lu bơngai noh, na Sư pơklaih hloi lu bơngai jĭ jăn.

Mathiơ 15:32

Yêsu krao lu bơngai pơhrăm păng Sư na khan: “Inh mơnat kơ lu bơngai tơpôl âu dêh, oei hơdai bơ̆n pêng năr boih tơmam sa lu sư đĭ pă đei boih. Dah bơ̆n tơwih lu sư brŏk klak hoh Inh hli kơ lu sư rơmơ̆n rok trong.”

Mathiơ 9:36

Yêsu 'bôh lu bơngai tơpôl noh Sư mơnat dêh, lu sư oei hli sơ'ngon đon ưh kơ băt pơm thoi yơ, dang lĕ kơ triu ưh kơ đei tơ'ngla wei-lăng.

Markôs 6:33

Mă-lei kư̆m đei lơ bơngai 'bôh Sư mơ̆n. Đe kơnăl kơ Sư boih na jơ̆p kơ tơring kiơ̆ ei năm kơdâu hơdrol gô tơ anih kueng 'noh.

Markôs 6:35

Lăp hiưp kơsơ̆ boih lu bơngai pơhrăm păng Sư khan kơ Sư thoi âu: “Anih âu kueng chơngue dêh păng kơsơ̆ boih tăm.

Markôs 8:1

Hơtai ei đei lơ bơngai năm akŭm tơ Sư dơ̆ng, kư̆m ưh kơ đei tơmam sa mơ̆n. Sư krao lu bơngai pơhrăm păng Sư na khan:

Markôs 8:2

“Inh mơnat kơ lu bơngai tơpôl âu dêh oei hơdai bơ̆n pêng năr boih, tơmam sa lu sư đĭ pă đei boih.

Luka 9:11

Lăp lu kon pơlei pơla kơtơ̆ng Yêsu wă năm tơ pơlei ei lu sư kiơ̆ hloi Yêsu. Na Yêsu kư̆m ưh kơ khă lu sư ôh. Sư bơtho lu đe ei tơdrong 'Bok Kei-Dei wă pơgơ̆r kon bơngai. Na Yêsu kư̆m chă pơklaih rah dôm lu bơngai jĭ jăn mơ̆n.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.