Markôs 6:30 - Sơ̆p Hlabơar Nơ̆r 'Bok Kei-Dei

³⁰ Lu bơngai mă Yêsu wơh năm chă bơtho đe ki, lu sư brŏk akŭm tơ Sư boih, na roi kơ Sư dôm tơdrong lu sư pơm păng bơtho.

Markôs 6:30 Iomraidhean Croise

Bl 24:66

Đơ̆ng noh, đam noh roi kơ Isăk mơ̆ng dôm tơdrong mă sư đei pơm.

Mathiơ 10:2

Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs, sư pơm tih 'biơ̆ kơ bôl sư; oh sư Andrê; Yakơ hăm oh sư Yôhan. 'Bă bre sư Sêbêđê.

Markôs 3:14

Sư rơih mơjĭt-'bar 'nu bơngai wă oei hơdai Sư păng wă kơ Sư chă wơh năm bơtho,

Markôs 6:29

Lăp lu bơngai pơhrăm păng Yôhan kơtơ̆ng thoi noh, lu sư năm iŏk akâu sư tung 'bŭ tơ bơsat.

Luka 10:17

Lu tơpơh-jĭt 'nu noh năm chă bơtho đe păng chă pơklaih lu bơngai jĭ jăn. Klaih kơ noh lu sư wih tơ Yêsu. Lu sư khan: “Ơ 'Bok, nhôn gơnang kơ anăn Ih, mă lu yang kơnê̆ kư̆m chu kơ nhôn mơ̆n.”

Luka 17:5

Lu jơ̆ng 'bang Kră Yang Yêsu khan kơ Sư: “Apinh Ih tơgŭm nhôn lui kơ 'Bok Kei-Dei kơjăp.”

Luka 22:14

Trŏ jơ sŏng sa, na Yêsu hăm lu jơ̆ng 'bang Sư tơoei sŏng sa hơdai tơ gơ'bang tang-dŏ noh.

Luka 24:10

Lu bơngai drŏ-kăn mă 'bôh tơdrong noh hei, anăn lu sư Mari đơ̆ng Pơlei Mađơla, Jôanna, hăm Mari mĕ bre Jôsê hăm Yakơ; păng kư̆m đei lu bơngai drŏ-kăn nai dơ̆ng mơ̆n kiơ̆ lu sư.

Luka 6:13

Lăp 'năr boih na Yêsu krao lu bơngai pơhrăm păng Sư năm tơ Sư na Sư rơih iŏk mơjĭt-'bar 'nu. Sư anăn lu mơjĭt-'bar 'nu noh jơ̆ng 'bang Sư.

Luka 9:10

Lu jơ̆ng 'bang Yêsu wih roi kơ Sư dôm tơdrong sư jang. Na Yêsu anhăk ba kơdrô̆ lu sư tơ Pơlei 'Betsaiđa.

Jang 1:26

Klaih kơ noh lu sư hlang lăng na 'blep trŏ hloi kơ Mathias. Na đe jô̆ sư lăm mơjĭt-'bar 'nu jơ̆ng 'bang Yêsu dơ̆ng.