Markôs 6:24 - Sơ̆p Hlabơar Nơ̆r 'Bok Kei-Dei

²⁴ Na adruh ei lĕch năm jet mĕ sư: “Ơ mĕ, ih wă kơ inh apinh kiơ đơ̆ng 'bok pơtao?” Na mĕ sư khan: “E apinh chơ̆ng iŏk kơ̆l Yôhan bơngai mă pơm 'batem kơ đe.”

Markôs 6:24 Iomraidhean Croise

II Sam 13:5

Jônadap chă đon khan: “Ih athei 'bĭch kơpal giơng pơm bơlŏ; na mưh pơtao 'bă năm lăng, ih athei apinh: ‘Apinh 'bă ăn kơ Tama, oh drŏ-kăn inh năm wei-lăng inh; sư gô hơmet tơmam sa 'bơ̆t anăp inh; inh gô 'bôh sư, păng sư gô pôk hiŏng tơmam sa hăm ti sư kơdih ăn kơ inh.’ ”

Jop 31:31

Lu bơngai lăm hnam dơnŏ inh ưh kơ đei pơma: “Hăm đei bu mă Jop ưh kơ đei ăn sa 'nhĕm phĭ mah?”

Horiso 27:2

Mưh lu bơngai pơm kơnê̆ bruh Wă hek sa sĕch inh, lu ayăt hăm lu bơngai wă blah inh. Na lu sư pơ̆k đĭ-đăng.

Horiso 37:12

Lu bơngai kơnê̆ pơđâu wă pơm kơnê̆ kơ bơngai tơpăt, Păng hơnganh kăp hơnĕnh kơ lu sư.

Horiso 37:14

Lu bơngai kơnê̆ toh đao, Păng gŭt hră lu sư, Wă blah pơrăm lu bơngai pơmat-tat hăm lu bơngai dơnuh hin, Wă pơlôch lu bơngai kiơ̆ tơdrong tơpăt.

Mathiơ 14:8

Na mĕ sư athei kon sư apinh chơ̆ng kơ̆l Yôhan. Na adruh ei khan kơ pơtao: “Inh wă kơ ih chơ̆ng ăn kơ inh kơ̆l Yôhan 'măn 'bơ̆t pơnhan chhĕr dang ei hloi; bơngai mă pơm 'batem kơ đe, 'noh boih inh wă.”

Mathiơ 3:1

Kơplah ei sơ̆ đei Yôhan bơngai mă pơm kơ đe 'batem, sư năm bơtho đe tơ char glă lăm dêh Juđê.

Markôs 6:23

'Bok pơtao khan kơ sư tơpă: “Tơmam kiơ ih wă apinh, roi bĕ, inh gô ăn kơ ih tơpă. Dah inh hơlĕnh mă 'Bok Kei-Dei phak inh, mă ih apinh iŏk minh puăt teh đak inh, kư̆m bưh mơ̆n.”

Markôs 6:25

Na adruh ei mơ̆t dơ̆ng tơ anih 'bok pơtao păng apinh sư khan: “Inh wă kơ ih chơ̆ng ăn kơ inh kơ̆l Yôhan 'măn 'bơ̆t pơnhan chhĕr dang ei hloi; bơngai mă pơm 'batem kơ đe, 'noh boih inh wă.”