Markôs 6:20 - Sơ̆p Hlabơar Nơ̆r 'Bok Kei-Dei

²⁰ kơlih kơ pơtao Hêrôt hli kơ Yôhan. Hêrôt băt kơ Yôhan bơngai tơpăt păng bơngai đon 'lơ̆ng ling-lang. Thoi noh na sư ưh kơ ăn pơlôch, kơplah sư mơ̆ng Yôhan bơtho jơhngơ̆m sư wơ̆l wang ră mă-lei sư 'maih mơ̆ng mơ̆n.

Markôs 6:20 Iomraidhean Croise

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

II Pot 13:14

Êlisê jĭ, yua kơ jĭ 'noh na sư lôch, Jêhôas, pơtao đe Isơrael năm lăng sư kơplah sư oei jĭ, nhơ̆m 'bơ̆t anăp sư păng khan: “Ơ 'bă inh ơi! Ơ 'bă inh ơi! Gre aseh păng linh hao aseh lu đe Isơrael ơi!”

II Pot 6:21

Pơtao đe Isơrael 'bôh lu sư, na pơma dơnuh hăm Êlisê khan: “Ơ 'bă wă pơlôch lu sư dah ưh? Wă pơlôch lu sư dah ưh?”

II Ho 24:2

Jôas pơm tơdrong 'lơ̆ng tơpăt 'bơ̆t anăp Kră Yang lăm đĭ sơnăm Jêhôiada pơm 'bok soi.

II Ho 26:5

Sư chă Kră Yang 'Bok Kei-Dei đĭ lăm chăl Sachari, bơngai bơtho sư băt hli yom kơ Kră Yang 'Bok Kei-Dei. Sư chă Kră Yang dang yơ Kră Yang 'Bok Kei-Dei ăn kơ sư đei hiôk jơnap dang noh.

Le 11:3

Kră Yang pơm ăn kon pơlei pơla đei tơdrong mơnat 'bơ̆t anăp lu bơngai Êyiptơ; Môis kư̆m minh 'nu bơngai đe băt ư-ang lăm dêh Êyiptơ, 'bơ̆t anăp lu bơngai bơ̆jang kơ Pharaôn păng 'bơ̆t anăp lu kon pơlei noh.

Êsêkiên 33:32

Kiơ̆ kơ lu sư lăng, ih thoi bơngai hơri tơdrong hưch wă hiôk, hơri tơ'nguơ̆ hơbôn, đei brŏ reh pơjuang hiôk; lu sư mơ̆ng nơ̆r ih đĕch mă-lei ưh kơ pơm kiơ̆.

Da 4:18

Inh âu pơtao Nebukatnessar, đei apo 'bôh boih tơdrong noh. Thoi noh, Beltơsatsar, ih athei tơblang kơ inh, yua kơ đĭ-đăng bơngai hơgei lăm dêh char bơ̆n ưh kơ đei bơngai bu gơh tơblang ăn kơ inh; mă-lei ih gơh tơblang, yua kơ Yang 'lơ̆ng rơgoh oei tơ lăm ih.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Da 5:17

Thoi noh Đaniel tơl pơma 'bơ̆t anăp pơtao thoi âu: Pơtao ih kư̆ kơ bơwei tơmam noh păng gô apah lu đe nai tơmam noh! Mă khan, huay kơ apah inh kư̆m đŏk ăn lu chư noh kơ ih păng tơblang ăn kơ ih pơtao.

Mathiơ 14:5

Yua kơ tơdrong noh na pơtao Hêrôt athei đe rôp tah Yôhan lăm hnam phak. Sư wă pơlôch kơplah noh hloi ră mơ̆n mă-lei sư ưh kơ pơ̆n, hli kơ lu kon pơlei pơla Juđê yua kơ lu bơngai Juđê băt kơ Yôhan bơngai pơtruh nơ̆r 'Bok Kei-Dei tơpă.

Mathiơ 21:26

Dah bơ̆n khan đơ̆ng kon bơngai, lei hli kơ lu kon pơlei klơ̆m bơ̆n păng tơmo, yua kơ đĭ-đăng jơ̆p-jang kơ lu kon pơlei pơla lu sư khan băt kơ Yôhan bơngai pơtruh nơ̆r 'Bok Kei-Dei.”

Markôs 11:18

Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Markôs 4:16

Lu bơngai mă thoi lĕ găr 'ba huŏng tơ teh tơmo kư̆m thoi noh mơ̆n. Lu sư kơtơ̆ng đe bơtho nơ̆r 'Bok Kei-Dei, lu sư hưch hanh kư̆m iŏk ră nơ̆r noh mơ̆n.

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.

Jang 2:12

Na lu kon tơring wang hlĭch hlăch hăm ưh kơ băt tơchĕng lơliơ dơ̆ng. Thoi noh lu sư pơma băl tơduă lu sư khan: “Lơliơ tơdrong 'nâu?”

Jang 5:24

Yŏng linh wei hnam akŭm 'Bok Kei-Dei tơm păng lu 'bok soi tih kơtơ̆ng thoi noh, lu sư sơleng kơ đon tơpă păng ưh kơ băt lu jơ̆ng 'bang tơ yơ boih.