Markôs 6:15 - Sơ̆p Hlabơar Nơ̆r 'Bok Kei-Dei

¹⁵ Lu mơ'nah dơ̆ng khan Yêsu Êli mă pơtruh nơ̆r 'Bok Kei-Dei sơ̆. Lu mơ'nah khan Sư minh 'nu bơngai pơtruh nơ̆r 'Bok Kei-Dei nai sơ̆.

Markôs 6:15 Iomraidhean Croise

Malachi 4:5

'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.

Mathiơ 16:14

Lu sư khan: “Mơ'nah đe krao Ih Yôhan bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Đei bơngai mơ'nah dơ̆ng khan Ih 'bok Jêrêmi mă kư̆m pơtruh nơ̆r 'Bok Kei-Dei sơ̆, mơ'nah khan Ih bơngai nai mă pơtruh nơ̆r 'Bok Kei-Dei sơ̆.”

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Markôs 6:16

Mă-lei lăp Hêrôt kơtơ̆ng tơdrong 'noh sư khan: “'Noh Yôhan tơpă, bơngai mă pơm 'batem kơ đe, 'bơ̆t mă inh pơlôch chơ̆ng ako sư sơ̆. Na dang ei sư iung arih đơ̆ng lôch.”

Markôs 8:28

Na lu bơngai pơhrăm păng Sư khan: “Mơ'nah khan Ih Yôhan, bơngai mă pơm 'batem kơ đe. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Ih minh 'nu bơngai pơtruh nơ̆r 'Bok Kei-Dei nai sơ̆.”

Luka 1:17

Kră Yang bơ̆n wă jê̆ jur na kon ih ei gô năm hơdrol kơ Kră Yang. Sư đei Yang Bơhngol 'Lơ̆ng ăn kơ sư jing pran kơtang tơpă kư̆m thoi Êli sơ̆. Sư gô tơgŭm kon pơlei Isơrael 'mêm mơnat kơ lu kon sư. Sư gô tơgŭm lu bơngai ưh kơ lui tơbral kơdih tơdrong yoch na wă kơ đei đon 'lơ̆ng. Yua kơ thoi noh na sư hơmet ming kon bơngai adrol kơ Kră Yang truh.”

Luka 7:16

Đĭ-đăng lu bơngai kiơ̆ ei hli ngăl, na lu sư ư-ang kơ 'Bok Kei-Dei khan: “Bơngai pơtruh nơ̆r 'Bok Kei-Dei mơsêh tơpă năm tơ bơ̆n boih.” Lu sư kư̆m khan dơ̆ng: “Dang ei 'Bok Kei-Dei wă tơgŭm lu bơngai Isơrael tơpă.”

Luka 7:39

Lăp bơngai Pharisi mă wơ̆n Sư, 'bôh thoi noh na sư tơchĕng lăm to sư kơdih khan: “Tơ̆ng bơngai âu bơngai pơtruh nơ̆r 'Bok Kei-Dei tơpă, lei Sư băt kơ bơngai mă pel Sư 'noh bơngai đi.”

Luka 9:19

Lu sư khan: “Mơ'nah đe krao Ih Yôhan, bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Ih minh 'nu bơngai pơtruh nơ̆r 'Bok Kei-Dei nai sơ̆ iung arih dơ̆ng.”

Luka 9:8

Lu bơngai mơ'nah dơ̆ng khan Yêsu Êli mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Yêsu minh 'nu bơngai pơtruh nơ̆r 'Bok Kei-Dei nai sơ̆ iung arih dơ̆ng.

Yo 1:21

Lu sư jet dơ̆ng: “Lei hăm trŏ kơ ih Êli bơngai mă pơtruh nơ̆r 'Bok Kei-Dei sơ̆?” Yôhan khan: “Ưh ôh.” “Lei hăm trŏ kơ ih bơngai pơtruh nơ̆r 'Bok Kei-Dei mă nhôn chang gô đơ̆ng sơ̆?” Yôhan khan: “Ưh mơ̆n.”

Yo 1:25

Lu sư jet dơ̆ng Yôhan thoi âu: “Ih ưh kơ sĭ 'Bok Krist, ưh kơ sĭ Êli păng ih kư̆m khan ưh kơ sĭ 'bok pơtruh nơ̆r 'Bok Kei-Dei noh, lei ih bu? Liơ ih gơh pơm kơ đe 'batem?”

Yo 6:14

Thoi noh na dôm lu bơngai tơpôl ei 'bôh Yêsu pơm tơdrong mơsêh mơyang Sư thoi noh na lu sư khan: “'Bok âu boih 'Bok mă bơ̆n chang gô đơ̆ng sơ̆ khan gô truh tơ ala teh âu wă pơtruh nơ̆r 'Bok Kei-Dei.”

Yo 7:40

Lu kon pơlei pơla kơtơ̆ng Yêsu pơma thoi noh boih, na lu bơngai mơ'nah khan: “'Bok âu boih 'Bok mă pơtruh nơ̆r 'Bok Kei-Dei tơpă mă bơ̆n chang gô Sư đơ̆ng sơ̆.”

Yo 9:17

Lu sư jet dơ̆ng bơngai đêl măt tol ei: “'Bok ei, ih khan Sư pơklaih măt ih 'bôh hơdah, na ih anăn Sư 'Bok kiơ ei?” Na bơngai măt tol ei khan: “Inh anăn Sư 'Bok pơtruh nơ̆r 'Bok Kei-Dei tơpă 'noh.”