Markôs 5:7 - Sơ̆p Hlabơar Nơ̆r 'Bok Kei-Dei

^7-8 Yêsu athei yang kơnê̆ lĕch đơ̆ng akâu sư. Na yang kơnê̆ ei pơma 'bơ̆r re khan: “Ơ Yêsu, Kon 'Bok Kei-Dei Kră Yang Tih Hloh, Ih wă pơm kiơ kơ inh? Inh apinh 'Bok Kei-Dei pơm 'long sơlam kơ ba, na Ih 'nĕ kơ pơrăm inh.”

Markôs 5:7 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

I Pot 22:16

Mă-lei pơtao khan: “Dôm wơ̆t bơih inh athei ih pơma mă tơpăt 'bơ̆t anăp inh pơkă hăm anăn Kră Yang.”

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Mathiơ 4:3

Na yang Satan năm tơ Sư păng khan: “Dah Ih Kon 'Bok Kei-Dei tơpă, Ih kuă kơ kiơ sơkat kơ tơmo âu jing 'bĕng?”

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Markôs 14:61

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Hăm trŏ kơ Ih 'Bok Krist Kon 'Bok Kei-Dei mă bơ̆n ư-ang dah ưh?”

Markôs 3:11

Tơ ei kư̆m đei lu bơngai yang mơ̆t sư 'bôh Yêsu, sư 'nap truh tơ teh 'bơ̆t anăp Yêsu păng pơma re 'bơ̆r khan: “Ih boih Kon 'Bok Kei-Dei tơpă.”

Markôs 5:6

Lăp sư tơmang 'bôh Yêsu oei ataih, na sư kơdâu tơkan 'nap hloi 'bơ̆t anăp Yêsu.

Luka 1:32

Sư pơm tih păng đe krao Sư Kon 'Bok Kei-Dei Kră Yang mă tih hloh. Kră Yang 'Bok Kei-Dei wă ăn kơ Sư pơm pơtao iĕm, kư̆m thoi 'bok pơtao Đawit iĕm sơ̆.

Luka 4:34

“Êi, Yêsu đơ̆ng Pơlei Nasaret, Ih wă pơm kiơ kơ khŭl nhôn? Inh băt mơ̆n Ih năm tơ âu wă pơrăm khŭl nhôn lah. Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Luka 8:28

Lăp sư 'bôh Yêsu, sư ôr na năm 'nap 'bơ̆t anăp Yêsu na Yêsu athei yang kơnê̆ lĕch đơ̆ng akâu sư. Yang kơnê̆ ei pơma pơret khan: “Ơ Yêsu, Kon 'Bok Kei-Dei Kră Yang Tih Hloh, lơliơ Ih wă phak inh dang ei, apinh Ih 'nĕ phak inh hŏ.” Đơ̆ng sơ̆ yang kơnê̆ juăt kơ pơm kơ sư wik. Đe chô̆ ră jơ̆ng ti sư păng glang mam, gak sư ră mă-lei sư hrĕch kơtĕch kơtoch đĭ, na yang kơnê̆ pơpuh sư năm tơ char glă chơngue.

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 19:13

Tơ ei kư̆m đei lu bơngai Juđê năm jơ̆p-jang tơ lu bơngai ưh kơ lui, mă sư kư̆m ưh kơ lui mơ̆n, wă pơpuh yang kơnê̆ đơ̆ng akâu đe. Sư wă pơm thoi Pôl na lu sư hơdai yua anăn Kră Yang Yêsu wă pơpuh. Đei tơpơh 'nu kon tơdăm Sewơ pơm thoi noh. Sewơ pơm 'bok soi tih bơngai Juđê. Lu sư khan kơ yang kơnê̆ thoi âu: “Pôl bơtho tơdrong Yêsu, na inh yua anăn Yêsu, inh athei e lĕch đơ̆ng bơngai âu.”

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

Hêbrơ 7:1

'Bok soi Mêlkisêdek sư pơm pơtao Pơlei Salem, sư kư̆m pơm 'bok soi wă soi kơ 'Bok Kei-Dei Kră Yang Tih Hloh. Sư năm sơng iŏk Abraham brŏk đơ̆ng tơblah kơ lu pơtao nai. Na sư krao khan apinh 'Bok Kei-Dei tơgŭm Abraham.

Ya 2:19

Lu iĕm mơ'nah khan lui đĕch kư̆m klaih mơ̆n hă? Iĕm kư̆ kơ lui đei minh pôm Kră Yang 'Bok Kei-Dei đĕch, trŏ boih, lu yang kơnê̆ kư̆m lui thoi noh mơ̆n, lu sư hli tơrơ kơ 'Bok Kei-Dei tơpă.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

I Yo 3:8

Bơngai bu oei pơm yoch khŏm khŏm, bơngai 'noh oei kiơ̆ yang Satan đĕch, kơlih kơ yang Satan pơm yoch đơ̆ng tơm hmơm sơ̆. Kon 'Bok Kei-Dei jur tơ ala teh âu sơ̆ wă pơrăm dôm tơdrong yang Satan pơm.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

Tơdrông Tơ'bôh 12:12

Thoi noh na ơ lu mă oei tơ plĕnh, gah lu iĕm hiôk boih, mă-lei mơnat kơ lu đe mă oei tơ teh păng oei tơ đak dơsĭ, yua kơ yang Satan huŏng tơ teh truh tơ lu sư boih. Satan jơhngơ̆m sư kơnê̆ 'maih hil 'maih areh kơ đe, yua kơ sư băt kơdih khei 'năr sư tơ teh ưh pă đunh boih.”