Markôs 5:35 - Sơ̆p Hlabơar Nơ̆r 'Bok Kei-Dei

³⁵ Kơplah Yêsu oei pơma, blư 'bôh 'bar pêng 'nu bơngai đơ̆ng hnam 'bok Jairut năm giong khan kơ sư: “Kon adruh ih lôch boih, ih oei pơhrat kiơ kơ 'Bok Thây?”

Markôs 5:35 Iomraidhean Croise

Mathiơ 26:10

Yêsu băt kơ lu bơngai pơhrăm mơ'nah pơma thoi noh, na Sư khan: “Yua kơ kiơ iĕm ơh kơ tơdrong sư pơm kơ Inh noh? Sư pơm thoi noh trŏ boih.

Mathiơ 26:18

Na Yêsu athei lu sư năm tơ minh 'nu bơngai ei tơ Pơlei Jêrusalem na khan kơ sư thoi âu: “'Bok Thây khan wă jê̆ truh năr Sư boih, na lu nhôn bơngai pơhrăm păng Sư wă hơmet tơmam sa Sư pơrŏ kơ Năr Giĕng Năm Brih tơ hnam ih.”

Mathiơ 9:18

Kơplah Yêsu oei pơma tơdrong 'noh, na blư 'bôh minh 'nu kră wei-lăng hnam akŭm đe Juđê sơtơ̆p kŭl-tăng kơkuh păng khan: “Kon adruh inh 'nao lôch, inh apinh Ih năm chro ti pel akâu sư wă kơ sư iung arih dơ̆ng.”

Markôs 10:17

Lăp Yêsu wă yak đơ̆ng ei Sư tơ'bơ̆p minh 'nu bơngai kơdâu tơkan năm tơ Sư, sơtơ̆p kŭl-tăng 'bơ̆t anăp Sư păng jet Sư thoi âu: “Ơ 'Bok Thây, Ih 'lơ̆ng tơpăt; inh pơm thoi yơ wă kơ oei hơdai hăm 'Bok Kei-Dei na arih ling-lang?”

Markôs 5:22

Tơ ei đei minh 'nu kră wei-lăng hnam akŭm đe Juđê lăm pơlei kiơ̆ ei, sư năm tơ Yêsu. Anăn sư Jairut. Lăp sư truh tơ Yêsu 'bok ei 'nap 'bơ̆t anăp Sư.

Luka 8:49

Kơplah Yêsu oei pơma, blư 'bôh minh 'nu bơngai đơ̆ng hnam 'bok Jairut năm giong khan kơ sư: “Kon adruh ih lôch boih, ih oei pơhrat kiơ kơ 'Bok Thây?”

Yo 11:21

Mathê khan hloi kơ Yêsu: “Ơ 'Bok, dah Ih tơ âu ki lei 'nhŏng inh huay kơ lôch ôh.

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 11:28

Đang kơ pơma thoi noh Mathê năm krao oh sư Mari. Sư khan kơ oh sư kơdrô̆ bre sư thoi âu: “'Bok Thây truh tơ âu boih păng Sư wă kơ e.”

Yo 11:32

Mari năm truh tơ anih Yêsu na 'bôh hloi Sư. Mari bon hloi 'bơ̆t anăp Sư kơkuh kơ Sư păng khan: “Ơ 'Bok, dah Ih tơ âu ki lei 'nhŏng inh huay kơ lôch ôh.”

Yo 11:39

Yêsu khan: “Pơih tơnglơ̆p 'măng tơmo âu bĕ.” Na Mathê oh bơngai mă lôch ei sư khan kơ Yêsu: “Ơ 'Bok, dah bơ̆n pơih tơnglơ̆p tơmo âu dang ei bơ̆n 'bâu ôm dêh, kơlih nhôn 'bŭ sư đei pêng măng boih.”

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.