Markôs 5:23 - Sơ̆p Hlabơar Nơ̆r 'Bok Kei-Dei

²³ Sư apinh lung Yêsu khan: “Kon adruh inh wă jê̆ lôch. Apinh Ih năm chro ti pel akâu sư wă kơ sư klaih, huay kơ lôch.”

Markôs 5:23 Iomraidhean Croise

II Pot 5:11

Mă-lei Naaman hil, sư năm rah jŏk rah: “Inh tơchĕng hli kơ akâu sư kơdih hloi năm sơng inh, dơ̆ng 'bơ̆t ei krao apinh Kră Yang 'Bok Kei-Dei, iŏk ti sư pel hloi 'bơ̆t rơka jĭ chin, hơli 'ma 'ngiĕo, pơklaih jĭ chin inh.

Horiso 107:19

Lăm năr pơmat-tat lu sư krao apinh Kră Yang, Kră Yang dŏng pơklaih lu sư đơ̆ng tơdrong pơmat-tat.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Mathiơ 8:3

Na Yêsu chro ti pel bơngai ei păng khan: “Inh wă tơpă pơklaih ih, Inh pơklaih ih dang ei.” Na bơngai jĭ ei klaih kơtă hloi.

Markôs 16:18

dah sư rôp 'bơm 'bih mă 'bih choh sư păng dah sư sa et 'bơm tơmam bơnhŭl, lu sư ưh kơ đei jĭ ôh; păng sư gô pel akâu đe jĭ jăn, na akâu đe gô klaih.”

Markôs 5:24

Na Yêsu năm kiơ̆ sư. Kư̆m đei lơ bơngai yak hơdai Yêsu bĭt hmĕt hmot Sư.

Markôs 6:13

Păng lu sư pơpuh lơ yang kơnê̆ lĕch đơ̆ng akâu đe hăm pik kơ lu bơngai jĭ jăn đak pơgang. Na 'Bok Kei-Dei ăn kơ lu bơngai jĭ jăn noh klaih.

Markôs 7:32

Tơ ei đe năm ba minh 'nu bơngai klĭk păng pơma arăk. Đe apinh Yêsu chro ti pel sư wă kơ sư klaih.

Markôs 8:23

Na Yêsu rôp ti sư chông ba tơ jih pơlei. Yêsu kơsoh đak hai kơ măt sư păng dan ti tơ măt sư na jet: “Ih hăm 'bôh kiơ kiơ ưh?”

Luka 13:13

Đơ̆ng noh Yêsu pel hloi akâu sư na kơtă ei 'mrah jing gơh dơ̆ng tơpăt hloi. Na sư hloi pơma pơư pơang 'Bok Kei-Dei.

Luka 4:38

Yêsu lĕch đơ̆ng hnam akŭm ei năm tơ hnam Simôn. Na tơnei Simôn bơlŏ kal dêh tơpă, na đe apinh Yêsu pơklaih sư.

Luka 4:40

Lăp 'năr mơ̆t adrơ̆m kơsơ̆ ei, dôm lu bơngai jĭ jăn, bôl buăl sư anhăk ba tơ Yêsu. Na Sư pel hloi kơ̆l lu đe ei păng đĭ kơ lu sư klaih hloi kơtă ei.

Luka 7:12

Lăp Sư wă jê̆ truh tơ 'măng jang Pơlei Nain, Sư tơ'bơ̆p hĭ đe tung bơngai lôch. Bơngai ei sư kon pôm yă adro. Kư̆m đei lơ bơngai kiơ̆ năm 'bŭ bơngai ei.

Yo 11:3

Na 'bar 'nu bre mai oh ei wơh đe năm tơ Yêsu khan thoi âu: “Ơ 'Bok, Lasarơ mă Ih 'mêm kơeng, sư oei păn kơ jĭ.”

Jang 28:8

'Bă Publiu ei oei păn kơ bơlŏ păng chroh hăk. Pôl mơ̆t tơ lăm anih sư păng krao khan kơ Kră Yang 'Bok Kei-Dei, na pel akâu sư păng pơklaih jĭ sư ei.

Jang 6:6

Lu bôl sư anhăk ba lu sư tơpơh 'nu bơngai ei tơ lu bơngai jơ̆ng 'bang Yêsu. Na lu jơ̆ng 'bang Yêsu pel hloi kơ̆l krao khan apinh 'Bok Kei-Dei tơgŭm lu sư jang tơdrong ei.

Jang 8:17

Na Pêtrôs păng Yôhan pel kơ̆l lu bơngai lui na Yang Bơhngol 'Lơ̆ng jur oei păng lu sư hloi.

Jang 9:12

Sôl sư apo 'bôh ih mơ̆t tơ sư pel kơ̆l sư wă kơ gơh 'bôh thoi đêl.”

Jang 9:17

Anania năm tơ Sôl, sư pel kơ̆l Sôl khan hloi: “Ơ 'nhŏng, Kră Yang Yêsu mă ih tơ'bơ̆p tơ trong hăm mơsêh mơyang Sư, Sư wơh inh năm tơ ih wă ăn kơ ih gơh 'bôh hơdah thoi đêl păng ăn kơ ih 'bĕnh kơ Yang Bơhngol 'Lơ̆ng.”