Markôs 4:37 - Sơ̆p Hlabơar Nơ̆r 'Bok Kei-Dei

³⁷ Lu sư oei wơ̆r thŏng-nan yak kơpal đak đei hloi kial hơbŭt tih tơpă. Đak poh-yă tih tơprah mơ̆t tơ lăm thŏng-nan lu sư, pă 'biơ̆ wă jê̆ 'bĕnh.

Markôs 4:37 Iomraidhean Croise

Jop 1:12

Kră Yang khan kơ Satan: “Âu dôm tơmam sư đei pơjao đĭ lăm tơpang ti e; mă-lei e 'nĕ hơtŭt 'bơm akâu sư.” Na Satan weh hloi đơ̆ng anăp Kră Yang.

Jop 1:19

Na đei kial hơbŭt tih đơ̆ng char glă pơm kơ puăn pah mum hnam. Hnam păk glơ̆m kơtĭt lu kon ih lôch đĭ; lăp minh 'nu inh đĕch klaih, năm roi ăn kơ ih.

Jôna 1:4

Mă-lei Kră Yang ăn đei kial hơbŭt tih tơ đak dơsĭ, duk mah wă jê̆ pơchah.

Markôs 4:36

Yêsu oei tơ kơpal thŏng-nan đĕch đơ̆ng hei boih. Na lu bơngai pơhrăm păng Sư tơklah đơ̆ng lu bơngai tơpôl lơ, anhăk Yêsu kiơ̆ lu sư tŏk pah to đak. Păng đei 'bar pêng tŏ thŏng-nan nai năm kiơ̆ lu sư mơ̆n.

Markôs 4:38

Mă-lei Yêsu oei tep akơn tơ rŏng thŏng-nan. Na lu đe ei râu Yêsu păng khan: “Ơ 'Bok Thây, Ih ưh kơ tơchĕng hli kơ bơ̆n lôch hă?”

Jang 27:41

Na thŏng-nan năm 'blep hloi sơlam bŏl đak, mă-lei đei bŏl iĕ ala kơ đak, na kơtơh thŏng-nan hơtŭt 'bơm bŏl iĕ. Thŏng-nan ưh pă gơh năm dơ̆ng. Na đak dơsĭ ei poh-yă tih tơpă, đak tơglăk gah rŏng thŏng-nan pơchah hloi.

II Kor 11:25

Pêng 'măng đe tôn teh inh păng 'long tơnôn pah băl, minh 'măng đe klơ̆m păng tơmo, pêng 'măng hao thŏng-nan, thŏng-nan krăm, minh măng minh năr oei tơ kơpal đak dơsĭ.